Isaya 2:19 - KITABU KITAKATIFU

¹⁹ Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Isaya 2:19 Iomraidhean Croise

2 Samweli 22:46

Vagotizanga uvuluviliri vwavo, ma vaza nivadegeranga kutura mu zimbinga ziavo.

Ayubu 9:6

Nyasaye asungusaa lirova kutura mu vogono vwalio, kandi akolaa zitiru zialio zidegera.

Zaburi 7:6

O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Isaya 13:13

Kulwayago, ndakora ligulu kodegera, kandi ndasung'usa lirova kutura mu vogono vwalio ku lidiku lia inzi, Yahova Wuvunyali manyia uvutima vwange.

Isaya 2:10

Valingira mu zimbangaywa zie vigulu kwivisa mu, anoho valayava malina kunangwa vagelizi kwiluka kutura ku vutima nukwivisa kutura kuzinguru zia Yahova, nuvukumi vwivwe.

Isaya 2:21

Lwa Yahova yaazaa kodegeriza lirova, avandu valakivisi mu zimbangaywa zia magina gi vigulu kandi mu malina, nokogeliza kwiruka kutura ku vutima vwivwe, kandi kwivisa kutura kuzinguru zizie kandi ku vukumi vwivwe.

Isaya 24:1

Henza, Yahova azizaa kudiviza lirova nukulikola hazwa. Alagirung'anyia lirova nukusalanyia vandu vamenya mulio.

Isaya 24:18

Ku vosi ogerizaa kwiruka kutura ku vutihizi alagwa muvogo, na oyo ogeriza kwiruka kutura ku vogo alagumirwa numutego. Migera ji imbura jilasunduka kutura mwigulu, na imise ji lirova jiladengeya.

Isaya 24:19

Lirova lilavunika ligali nukwadika kandi liladengeyizwa ligali.

Isaya 30:32

Lwa Yahova ahaanaa amageri ku vandu va Asiria vuli ing'inga, avandu veve valimba zinyimbu nu kukuba zindumba nu vukana. Nyasaye mwene alwaana avandu va Asiria.

Isaya 33:10

Yahova avoora ku zihiiri; “Kalunu ndasingira! Kalunu ndiiginga igulu inzi mwene! Kalunu ndakuminywa.

Isaya 7:19

Valaza viduma nividuma nukwizula mu mavoona gaveeye hazwa, mu zimbangaywa mu zinyanda nukukunika vuli kisaka cha mafwa kandi vuli chayilu.

Jeremia 16:16

Yahova avoora, “Nziza kutuma avaruvi vanyingi vaze vagumiri avandu yava. Maku ndatuma avahizi vanyingi vaze kuvahima kutura mu vigulu kandi mu tugulu kandi kutura mu zimbinga ziezinyanda.

Jeremia 4:29

Vuli mundu aliruka nukuzia ihale lwa ahulira liyoga lia avandu, vizibarasi na avuvuta avalala valirukira mumulitu, avandi valanina kuzinyanda vuli lidaala lilatigala iliere, nasiaveeyeho nu mundu ulimenyamu kandi mba.

Jeremia 48:28

“Munyi avandu vamenya mukivala cha Moabu, muleke amadara ginyu! Muzie komenya mu zinyanda! Muve kuli likuulu lilombaa inyumba yalio mu zimbega zie live.

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Mika 7:17

Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

Nahum 3:11

Munyi avandu va Nineve, mulakahambiki! Mulakagelizi kwiluka kutura ku vasigu vinyu.

Haggai 2:6

Mu ing'inga engekeeke ndadegeliza ligulu ni lirova, kivala kandi inyanza.

Haggai 2:7

Ndakaguuti zihiiri ziosi, kandi vutugi vwavo vulakaletwe hano. Litembeli lilakave nu vutugi vunyingi.

Luka 23:30

Ing'inga yeyo niyio ya avandu valitanga kovoolera vigulu, ‘Mukugwiri!’ Na ku tugulu, ‘Mukukuniki!’

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.

Vahebraina 11:38

Lirova si liali lilahi kuvo mba! Vavodong'ana kuli viruki mu changalangwi; kandi mu vigulu, nivamenyi mu zimbangaywa, nu mumalina.

Vahebraina 12:26

Mwoyo gwigwe gwa degeriza lirova ing'inga yeyo, navuzwa kalunu umali kukusuuviriza ndi, “Ing'inga yindi kandi sindadegeriza lirova lienyine, navuzwa ligulu kandi.”

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 16:18

Viali ho zimbeni, zinguba ni lidegera lie kivala kandi yili liali lidegera linene lie lirova ilikiri kuva ku ho kutura ing'inga Nyasaye yalomba umundu mu lirova. Yili liali lidegera lie lirova linene ni lidamanu kuvita agandi goosi.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 9:6

mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.

1 Samweli 13:6

Maku vingilira vandu va Isiraeli ni induta enene ligali nivavakola kuva avadedekere. Avalala ku vandu va Isiraeli viivisa mu zimbangaywa numumaliina, anoho hagati mu zinyanda, anoho m'mbogo kandi mu visima.

1 Samweli 14:11

Kunangwa vombi valeka vandu va Filisitia vavalole, kandi avandu va Filisitia vavoola, “Henza! Avalala ku Avaheburaina vatuli mu malina mwa vivisangi!”