Isaya 2:12 - KITABU KITAKATIFU

¹² Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 2:12 Iomraidhean Croise

2 Samweli 22:28

Ivi ohonyia yavo avaveeye avahoma navuzwa ogehizaa yavo avaveeye avigingiri.

Ayubu 24:1

Kigira ki Nyasaye siavikaaho ing'inga yi likalagirwa, lidiku lie likalaga lirungi ku yavo avamutumikiraa?

Zaburi 131:1

O, Yahova, inzi mali koleka luyaayi lwange, kandi mali kugirung'ana kutura ku liegingira liange. Inzi sinziyingirizaa mu makuva manene mba, anoho vindu viveeye vidinyu ligali ku inzi mba.

Zaburi 18:28

O, Yahova Nyasaye wange, ombezaa vulavu, na utulizaa ho kisundi change.

Zaburi 37:13

Navuzwa Yahova asekeliza avandu vadamanu, kigira, vaveeye ahimbi kuduuka ku lidiku liu kudivizwa.

Zaburi 94:2

Ivi oveeye mukalagi wa vandu vosi; singira na uhaane ku vandu avuluyayi kidukanaa navo!

Tsing'ano 16:5

Yahova adunyiraa mundu woosi oveeye mwelori, na sialahononoka kohevwa mageri mba.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 10:33

Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 13:9

Lidiku lia Yahova liveeye ahimbi, lidiku liu vutima vululu vwa Yahova. Lirova lilakolwa hazwa, kandi vuli mwoni omenyi mucho aladivizwa.

Isaya 14:15

Navuzwa umali kwikizwa hasi mu luliva lwi kihadisi.

Isaya 23:9

Yahova Wuvunyali, niye walohiza yaga, aduuki kwononyia no koleganyia yavo avaari nu luyali mu lirova liosi.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Isaya 24:4

Lirova liumaa nukuniala; Lirova liosi lidedekeraa; Lirova niligulu, viombi vigundaa.

Isaya 40:23

Nyasaye yikizaa vana va vami kuva vuzwa, kandi akolaa avamihi vizingulu ku lirova kuva vuzwa.

Isaya 42:15

Ndononyia tugulu ni vigulu, kandi ndakora uvunyasi ni misaala kwuma. Ndagilung'anyia migera ju mumavoona kugwa changarangwi kandi ndakaminya amadavalia ga mazi.

Isaya 5:15

Vuli mundu alava mu zisoni, kandi avigingiri vosi valagehizwa.

Isaya 61:2

Yaanduma kwilwaza ndi, ing'inga imali kuduuka, lwa Yahova ahonyia avandu veve, kandi alaguuta avasigu veve. Yaanduma koleminya mioyo ja yavo vosi avasioma.

Jeremia 12:9

Avandu vange vatovole vaveeye kuli linyonyi limali kwingilirwa kuzimbega ziosi na mave. Mulange zinyama ziumbulimu ziizi musange mulisavo!

Jeremia 13:9

Yavoola, “Ni ndio nanzononyie liegingira lia vandu vi Ivuyuda kandi liegingira linene lia vandu va jerusalemi.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 50:31

“Munyi avandu va Babiloni muveeye niliegingira, kunangwa Inzi, Mwami munene Yahova Wuvunyali mali kumudunyira! Ing'inga imali kuduuka ya inzi namuhe mageri.

Ezekieli 13:5

Sivinyala kulinda havundu ha madigi gaayavuguka mba, anoho sivinyala kwumbaka uvuhia madigi ga vandu va Isiraeli mba. Kulwayago Isiraeli sinyala kukingwa lwu vulwani navuuzi ku lidiku liange lia Yahova mba.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Amosi 5:18

O, vayaayi, kivi keveeye ku munyi avegombaa liduka lie lidiku lia Yahova! Kigira ki mwenyanga lidiku lia Yahova? Lilakave lidiku lie kisundi vugira uvulavu ku munyi.

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Mika 5:11

Ndakononyie madaala manene mu kivala chienyu nukusambula zimbinga zienyu.

Zefania 1:16

Lidiku lizuiyi liyoga lie visiriva viu vulwani kandi lwanga lwa vasikari vu vulwani avingiliyi madaala gi zimbinga kandi gi minaara mitambi.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Malaki 4:5

“Navuzwa lidiku linene kandi liukutihiza liange nilikikiri kuduuka, ndakamutumiri muporofeti Elija.

Matayo 23:12

Oyo wenenehizaa, alagehizwa; naye uwegehizaa alanenehizwa.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

1 Vakorintho 5:5

gamudukira muhaane mundu uyu ku Setani. Na ndio iliiva lilie liu vwoni liduuki kwononywa, kandi umwoyo gwigwe guduuki kohonywa ku Lidiku lie likalagirwa liu Mwami wiitu Yeso.

1 Vatesalonike 5:2

Munyi aveene mumanya vulahi ndi Lidiku liu Mwami lilakaze kuli mwivi yaazaa vudiku.

Yakobo 4:6

Navuzwa zimbavasi zia Nyasaye akohezaa ziveeye ni zinguru ligali kuli Mang'oda Matakatifu gavoora, “Nyasaye ahingiraa avigingiri, navuzwa ahaanaa, zimbavasi ku vegehiza.”