Isaya 2:11 - KITABU KITAKATIFU

¹¹ Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:11 Iomraidhean Croise

2 Samweli 22:28

Ivi ohonyia yavo avaveeye avahoma navuzwa ogehizaa yavo avaveeye avigingiri.

Zaburi 18:27

Ivi ohonyiaa avaveeye vahoma imbiri woovo, navuzwa ogehizaa yavo avigingiranga imbiri wavo.

Zaburi 18:28

O, Yahova Nyasaye wange, ombezaa vulavu, na utulizaa ho kisundi change.

Zaburi 20:8

Avandu kuli yava valikigitara nukugwa; navuzwa kunyi kulavuuka nukusingira vudinyu.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 94:2

Ivi oveeye mukalagi wa vandu vosi; singira na uhaane ku vandu avuluyayi kidukanaa navo!

Tsing'ano 16:5

Yahova adunyiraa mundu woosi oveeye mwelori, na sialahononoka kohevwa mageri mba.

Tsing'ano 30:13

Vaveeye ho na vandu valala avaganaganaa ndi vaveeye valahi ligali oh, henza kuli vaganagana vaveeye valahi ligali!

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 12:4

Lidiku lizaa lwa vandu valimba, “Musandize Yahova! Mwanili kuye amukonye! Muvoolere zihiiri ziosi icha amali kokora! Muvavolere kuli aveeye munene!

Isaya 13:11

Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 14:15

Navuzwa umali kwikizwa hasi mu luliva lwi kihadisi.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 23:9

Yahova Wuvunyali, niye walohiza yaga, aduuki kwononyia no koleganyia yavo avaari nu luyali mu lirova liosi.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 28:5

Lidiku liizaa lwa Yahova Wuvunyali alakave kuli itaji yuvukumi vwikimuli kigira avandu veve avalihononoka.

Isaya 29:18

Lwalidiku yilio liduka, avahana matu valahulira kitabu nigisomwaa, na avavoku avaamenyaa mu kisundi, valigulika zimoni nokolola.

Isaya 30:18

Navuzwa Yahova alindiliraa kumuvererera zimbavasi. Aveeye mwetegeke kumanyia zimbavasi ku mwinye kigira akolaa agaveeye malungi kazozo. Vaveeye nu vugasu yavo avasuuviraa mu Yahova.

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 4:1

Ing'inga yeyo lwaliduuka, avakali saba valagumira musaza mulala nokovoora, “Kunyi kulilihiza aveene, kandi kuliviika aveene, navuzwa yaanza oleke kovoole ivi oveeye musaza wiitu, kunangwa kuvuli kuva mu zisoni ziu kuvula kuva na avasaza.”

Isaya 40:23

Nyasaye yikizaa vana va vami kuva vuzwa, kandi akolaa avamihi vizingulu ku lirova kuva vuzwa.

Isaya 52:6

Ku ing'inga yiza, munyi mulamanya ndi inzi mbeeye Nyasaye kandi mali komoloma.”

Jeremia 12:9

Avandu vange vatovole vaveeye kuli linyonyi limali kwingilirwa kuzimbega ziosi na mave. Mulange zinyama ziumbulimu ziizi musange mulisavo!

Jeremia 9:24

Niiva mulala yenya kwigingira, gamuduukira yigingiri ndi yamanya kandi amanyirizaa inzi, kigira uvuyanzi vwange vutaveeye nekeheri, kandi ngolaa agaveeye malungi kandi malahi. Yivi nivio vindu viyanziza. Inzi Yahova mali kovora.”

Ezekieli 38:14

Kunangwa Yahova Wuvunyali yanduma mbolere Goga aga yavoola kuye: “Kalunu lwa vandu vange Isiraeli vamenyi mu likingwa, ulatula

Ezekieli 38:19

Nandizaa mu vutima vwange vululu ndi, ku lidiku liene yilio, lidegera linene naliveho mu kivala cha Isiraeli.

Ezekieli 39:11

Yahova yavoola, “Lwayaga galakekoleke, ndakahaane ku Goga havundu haliyavilwa mu Isiraeli; mu livona lia vandu avavitaa Ivugwi kolovega lwinyanza yi jumbi. Goga harara ni liihi lilie valakayavilwi wene yeyo, virindwa viavo vilakigaliri inzira ya yavo avavitaa. Havundu yaaha halakalangwe ‘Livona lie liihi lia Goga.’

Ezekieli 39:22

Avandu va Isiraeli valamanya kutura kalunu ndi, Inzi mbeeye Yahova Nyasaye wavo.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Hosea 2:16

Maku kalunu alananga musaza weve, kandi si alananga Baali mba.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Hosea 2:21

Ku ing'inga yene yeyo ndahaana mativuli ku lisaala lia avandu vange Isiraeli.

Joeli 3:18

“Ku ing'inga yeyo, vigulu vilakunikwa ni milimi jimizabibu, kandi mitugu jilanyooleka kuvuli kiguru; mazi galavaho manyingi mumigera josi ji Ivuyuda. Mugera gulituluka kutura mu Litembeli lia Yahova, na gulasama livona lia Shitimu.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Obadia 1:8

“Ku lidiku lia nambane mageri ku Edomu ndakadivizi avasaza vaavo avageri kandi ndakatuliziho ovogeri vwavo vwosi.

Mika 2:3

Kunangwa Yahova avoora, “Saaviraa koleta kivi ku munyi, na simulakahononoke kucho mba. Muzizaa kunyooleka munyi vene mu vudinyu, maku simulagenda ni liegingira kandi mba kigira ilava ing'inga yi kivi.

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Mika 5:10

Yahova avoora, “Mu lidiku yilio, ndatuliza ho zibarasi zienyu nukwononyia magare ginyu gu vulwani.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zefania 3:16

Ing'inga yiza navoolere avandu va Jerusalemi ndi, “Mutava nu vuti mba, lidaala lia Ziyoni! Makono ginyu gatadedekera mba!

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

2 Vakorintho 10:17

Navuzwa kuli Mang'oda Matakatifu gavoora, “Ku vosi wenyaa kwekonya, gaduukanaa yekonyere agu Mwami amali kokora.”

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”