Isaya 2:10 - KITABU KITAKATIFU

¹⁰ Valingira mu zimbangaywa zie vigulu kwivisa mu, anoho valayava malina kunangwa vagelizi kwiluka kutura ku vutima nukwivisa kutura kuzinguru zia Yahova, nuvukumi vwivwe.

Isaya 2:10 Iomraidhean Croise

Ayubu 31:23

Kigira ndatia konyoora mageri kutura ku Nyasaye, sindaali nyara kokora vindu kuli yivi mba.

Ayubu 40:13

Uvayaviri vosi mu marova harara, uvavohere mu kilindwa.

Zaburi 145:12

Kunangwa avandu vosi valamanya vikolwa vivio vie zinguru, kandi valamanya uvukumi vonene vwu vwami vuvwo.

Zaburi 90:11

Nivwaha umanya zinguru ziu vutima vuvwo vululu; Nivwaha umanya ni vutihizi ki vwu vutima vuvwo vunyala koleta?

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 25:11

Valanyira makono gaavo igulu kuli mundu agerizaa kwelema ku mazi, navuzwa Yahova alavagehiza ku ligehiza liegingira liavo, na makono gaavo galiyina musi vugira zinguru.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jeremia 13:9

Yavoola, “Ni ndio nanzononyie liegingira lia vandu vi Ivuyuda kandi liegingira linene lia vandu va jerusalemi.

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Nahum 3:11

Munyi avandu va Nineve, mulakahambiki! Mulakagelizi kwiluka kutura ku vasigu vinyu.

Luka 12:5

Navuzwa, ndamumanyia uyu uwa muduukana kutia. Mutie Nyasaye, kigira niyakamara kwita, aveeye ni zinguru kusiuva mundu mu gehena. Yee, muvooleraa mutie umwene oyo.

Luka 23:30

Ing'inga yeyo niyio ya avandu valitanga kovoolera vigulu, ‘Mukugwiri!’ Na ku tugulu, ‘Mukukuniki!’

2 Vatesalonike 1:9

Valahevwa mageri agaveeye lidivizwa lie mihiga ni mihiga kandi kwavukanywa kutura imbiri wu Mwami kandi kutulizwa mu vukumi vwi zinguru zizie.