Isaya 19:6 - KITABU KITAKATIFU

⁶ Migera ja Egebeti josi jilafunya uvugundu lwa mazi gakama galaha. Visenukiru viosi vilageha amazi gu kwuma ligali. Vidundu nu vunyasi vilaniala nu kwuma ligali,

Isaya 19:6 Iomraidhean Croise

Litanga 41:2

Nonoho zing'ombe saba zing'omeru kandi zinetu ligali ziaza kutura mu mugera; nizitanga kwaya vunyasi vwali ku lujinga lwu mugera.

2 Avami 19:24

Wigingira ndi wayava vidaho nu kunwa amazi muvivala vigeni, kandi virenge via vasikari vovo viaduvaga migera josi ja Egebeti nu kujuminya.

Ayubu 8:11

“Mafunzu sigameraa havundu hekedende kitaveeye mba; kandi vidundu sivimeraa ha amazi gataveeye mba.

Ayubu 8:12

Lwa vitagwa yivi vikikiri ni kimuli, kandi nivikikiri kotemwa, viniara imbiri wi vitagwa vindi viosi.

Kutwula 2:3

Navuzwa lwa yaali sianyala ku muvisa kandi mba, yamunavira kihinda cha mafunzu navaka ku iramu kunangwa amazi gavuli kwingira mu, ma naviika mu umwana, nakiviika mu lifunzu halujinga lwu mugera.

Kutwula 7:18

Zisuzi ziu mugera gwa Naili zilakuza, nu mugera gulafunya vugundu ligali na vandu va Egebeti sivalanyala kunwa mazi gagwo mba.’ ”

Isaya 15:6

Amazi gu mugera gwa Nimuraimu gakami, uvunyasi voveeye ku lujinga lwagwo vuniaye; uvulimu vwumi sikeveeye ni kindu kivisi sikitigaye ho mba.

Isaya 18:2

Avatumwa vatura mu kivala yiki kuzia ku mugera gwa Naili mu amato agalombwa kutura ku vidundu. Mwilane yengo galaha, munyi avatumwa va vwangu! Mwilanyie amakuva mu kivala chiinyu ichagavulanywa ni migera, muhaane ku ihiiri ya vandu vinyu avaveeye nizinguru kandi nuvunyari, avataambi kandi vi ligodo lilahi, kandi avizingulu zinene ligali, avaveeye avandu vatiivwa kivala choosi.

Isaya 37:25

Ivi wigingira ndi wayava vidaho kandi nuunwa mazi mu vivala vigeni, ma kandi zinduvatiru zia vasikari vovo vuvulwani ziaduvaga migera josi ja Egebeti kuduuka nigikama.

Nahum 3:8

Nineve liveeye lidaala lilahii kuvita Zebesi, Lidaala linene lia Egebeti? Lidaala yili liali kandi nu mugera gwalikingaa kuli lidiji: Mugera gwa Naili gwaali imbinga yalio.