Isaya 19:3 - KITABU KITAKATIFU

³ Ndagoyanyia lilohiza lia vandu va Egebeti, kandi ndononyia amakuva gaavo. Valazia kwenya ovokonyi kutura ku vifananyi viavo, kandi valazia ku valaguli na vakumu kwenya zing'anagani kutura ku vakuzu.

Isaya 19:3 Iomraidhean Croise

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

2 Samweli 17:23

Lwa Ahizofeli yalora ndi livoora lie zing'anagani zizie sizilondeywe mba, yanina ku ibarasi yeeye, nazia mu lidaala lilie liene. Inyima wokolohiza vindu vivie vulahi, yisunga umwene. Yateevwa mu kilindwa cha vandu avinyumba yeeye.

2 Avami 1:2

Mwami Ahazia wa Isiraeli yaaguluka kutura munyumba yeeye yigulu yu vwami mu Samaria, ma naasalira vudamanu ligali. Kunangwa yatuma avatumwa valala kuzia koteeva Baalizebubu, munyasaye wi lidaala linene lia vandu va Filisitia, lia Ekironi niiva alahona anoho mba.

1 Kyetsinyinga 10:13

Kunangwa Saolo yakuza kigira livula kuva musuuvirifu ku Yahova. Yatinguha malago ga Yahova. Yageriza konyoora zing'anagani kutura ku roho wa vakuzu

Zaburi 107:27

Vagenda ni vayekayeka yiyi na yiyi nukutagataga kuli avahambiku, vogeri vwavo kuli aveelemi vwali hazwa.

Zaburi 33:10

Yahova yononyiaa zing'anagani zia avizihiiri valohiza kokora. Avakolaa vavuli kuduukiza lilohiza liavo.

Zaburi 76:12

Agehizaa vayaayi va avami vigingiraa, kandi atihizaa avami vanene ligali.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 14:27

Yahova Wuvunyali umali kotovola kuhaana amageri ku vandu va Asiria, na siaveeye ho mundu unyala kumugaya kokora yaga mba.

Isaya 15:2

Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Isaya 47:12

Kalunu musingiri vudinyu nu vukumu kandi nu vusigitiri vwinyu, vwa mwaali navwo kutura ni mukikiri avana. Hawundi munyala konyoora ovokonyi, anoho munyala konyoora zinguru ziu kutihiza avasigu vinyu.

Isaya 57:16

Ndahaa avandu vange livamwoyo na sindazizagilira kuvayaala anoho kuvavihilirwa mihiga ni mihiga mba.

Isaya 8:19

Navuzwa avandu valakovolera oteeve amakuva kutura ku vasigitiri, na valaguli kandi visohoro ni viganda. Valavoora, “Kali ndio avandu gavadukiraa vateeve amakuva kutura ku miroho midamanu kandi veenye zing'anagani kutura ku vakuzu muvogono vwayavo avaveeye mwoyo.”

Jeremia 46:15

Kigira ki nyasaye winyu wizingulu Apisi agwiyi? Yahova umali kumutuula!’

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Danyeli 1:20

Ku makuva goosi gu mwami yateeva, anoho vudinyu vwosi vwu mwami yaleeta, avayaayi vane yava vamanya haali 10 kuvita muvuuli anoho mukumu wundi woosi munyumba yeeye yu vwami vwosi.

Danyeli 2:2

Kunangwa yalanga avavuuli, vakumu na valogi vaze kumwivaalira kivuni cha maloto geege. Vaza nivasingira imbiri wu mwami;

Danyeli 5:7

Mwami yalanga mundu amuletele avakumu, avalogi kandi avageri vi zing'ereng'ani. Lwa viingira mugati, mwami yavavolera, “Mundu woosi unyala kosoma mang'oda yaga kandi umbolera cha gavoora alaviikwa iganza yi rangi yu musambarao kandi munyororo gwi zahabu guviikwi mwigoti mwimwe, kandi alava wakavaga mu vwamihi.”

1 Samweli 25:37

Kunangwa, lwi iwaini yaali ni yakatula mu mutwi, Abigaeli yamuvolera vindu viosi. Yalwala uvulwaye vwi linagandi nu muviri gwosi gwagwa lichilu.