Isaya 19:23 - KITABU KITAKATIFU

²³ Lwing'inga yeyo iduuka, inzira ilakaveho kutura mu kivala cha Egebeti kuduuka mu kivala cha Asiria. Avandu va Asiria valakagende kuduuka Egebeti kandi avandu va Egebeti valakagende kuduuka Asiria. Zihiiri ziviri yizi, zirakasigamira Yahova harara.

Isaya 19:23 Iomraidhean Croise

Zaburi 87:4

“Lwa ndakang'ode zihiiri zimbuliraa, ndakameede ku avandu va Egebeti na Babiloni; Ndakavalizi avandu va Filisitia, Tiro na Ezopia, harara na vandu va Jerusalemi.”

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 11:16

Kandi halavaho ninzira enene kutura Asiria kigira yavo vandu veve Isiraeli avatigara mwoyo, kuli gaali ku avaguuga vaavo lwa vaatura Egebeti.

Isaya 19:24

Lwing'inga yeyo iliduuka, avandu vi kivala cha Isiraeli valakahambane harara na avandu va Egebeti, na Asiria, ni zihiiri zivaga yizi, zilakave uvugasu ku lirova liosi.

Isaya 2:3

Avandu avanyingi valaza nivavoora, “Gendi kuzie ku Kiguru cha Yahova, ku Litembeli lia Nyasaye wa avandu va Isiraeli. Alakwigiza agayenya kunyi kokole. Kulagenda kuzinzira ziamali kotovola, kigira amalago ga Yahova gaturaa Jerusalemi. Kandi amolomaa ku avandu veve kutura Ziyoni.”

Isaya 27:13

Lwilidiku yilio liliduuka, kisiriva kilakakubwi ukulanga avandu vosi va Isiraeli avaari nivahaminyirwa mu vivala via Asiria na Egebeti, viirane. Valakaze kusigamira Yahova mu Jerusalemi, ku kiguru chiche kitakatifu yiki.

Isaya 49:11

“Ndalomba inzira mu vigulu, kandi ndakora avandu vange kogenda kuyo.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 62:10

Munyi avandu va Jerusalemi, muzie mu lidaala linene mulombe inzira ku vandu vinyu avilanaa! Mwetegekize inzira enene, mutulizi amagina muyo! Mugiingi ebendera kuva kuli ekelolero, kunangwa zihiiri ziduuki kumanya;

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Mika 7:12

Mu lidiku yilio avandu valirana ku munyi kutura havundu hoosi, mu lovega lwi Ivugwi wa Asiria, kandi kutura Egebeti kolovega lwi Isavaalu, kutura mu kivala cha Efarata, kandi kutura mu zinyanza zia ihale kandi kutura ku vigulu viehale.