Isaya 19:20 - KITABU KITAKATIFU

²⁰ Yivi vilakave vimanyiru imbiri wa Yahova Wuvunyali mu kivala cha Egebeti. Lwa vandu wene yeyo vadambizwa nukwanira Yahova kigira ovokonyi alakatumi mukonyi kuvasoora.

Isaya 19:20 Iomraidhean Croise

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Kutwula 2:23

Inyima wimihiga yijo josi, mwami wa Egebeti yakuza, navuzwa vandu va Isiraeli vaali nivakekenya ligali kigira uvusaaliri vwavo mu vutugwa, nivenya vokonyi. Lilira liavo liadukira Nyasaye;

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 19:4

Ndahaana avandu va Egebeti ku vandu valulu, ku mwami mululu ulivaamiha. Inzi Yahova Wuvunyali mali kovora.”

Isaya 20:4

Mwami wa Asiria alahila ihale avahambe vayagumira kutura Egebeti na Ezopia. Avayaayi kandi avahindira, valagenda ni virenge viere kandi nichahonyo, na amadako gaavo kuvulavu, nokoleta zisoni ku Egebeti.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 45:15

Aveeye Nyasaye wa vandu va Isiraeli kandi muhonyi wa vandu veve. Aveeye Nyasaye wivisaa umwene.

Isaya 52:5

Na kalunu, kindu kilala chere kimali kwekoleka mu Babiloni. Muveeye avahambe, vugira kindu kutungwa kigira munyi. Yavo avamiiha ku munyi viyizominya niveevoola kandi vamanyiaa lilegeriza ku inzi.

Isaya 55:13

Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Luka 2:11

Ku lidiku liene yili mu lidaala lia Daudi, Muhonyi winyu wivuliiywi naye ni Kristo Mwami.

Tito 2:13

lwa kulindiliraa lidiku liu uvugasu, lia kwasuuvirizwa liu vukumi vwa Nyasaye munene kandi Muhonyi wiitu Yeso Kristo liliduuka.

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

Joshua 22:34

Avandu vi ihiiri ya Rubeni na Gadi vavoola, “Uvwali yivu voveeye kelolero ku kunyi kwosi ndi Yahova aveeye Nyasaye.” Kunangwa vavugulika “Lilolekiza”.