Isaya 19:2 - KITABU KITAKATIFU

² Yahova avoora, “Ndaleta uvulwani mu kivala cha Egebeti, na vuli mundu alalwana na amwavo weve, kandi mutende alalwana nu mutende weve, madaala manene gahimanaa galalwaana na madaala manene gandi, kandi vami vahimana valalwaana na vami vandi.

Isaya 19:2 Iomraidhean Croise

1 Avami 16:21

Ing'inga yeyo, vandu va Isiraeli vaavukana mu vidieli viviri, valala kuvo venya vakole Tibini muyaayi wa Ginazi ave mwami, na vandi nivava mu liyaanzilira Omuri.

2 Kyetsinyinga 15:6

Ihiiri ndala yadambiza ihiiri yindi, kandi lidaala linene lidambiza lidaala linene lindi, kigira Nyasaye yaali naleti uvudinyu ni kivi kuvo.

Isaya 3:5

Vuli mundu alakolera wache goosi aganyala. Avayaayi si valahaana luyali ku avakulundu vaavo mba, kandi avandu vataveeye nuvunyari si valahaana luyali ku avanene vaavo mba.

Isaya 9:21

Avandu vi ihiiri ya Manase na avandu vi ihiiri ya Efuraimu vingilirana aveene naveene; kandi vombi harara, vatutilanga avandu vi Ivuyuda. Navuzwa ku yaga goosi, uvutima vwa Yahova sivoheraa mba. Akinyiiyi vuzwa mukono gwigwe ukuhaana mageri.

Jeremia 46:12

Zihiiri zimali kuhulira zisoni zienyu; vuli umundu umali kuhulira nimulira. Musikari mulala yichigatira ku wundi ma vosi vaagwa.

Jeremia 51:46

Mutakuza mioyo mba anoho mutatia kigira amakuva ga muhulira mba. Vuli muhiga amakuva guvutindi galalanda mu kivala kandi avami valalwaana avami vandi.

Ezekieli 38:21

Nangore Goga kuva nuvuti kandi kivi choosi. Inzi Yahova Wuvunyali mali kovora, avandu veve valakitane aveene ku aveene.

Zekaria 8:10

Ing'inga yeyo nitaduuka, si yaliho nu mundu waali unyala kuvugura vandu anoho mitugu kumuyinzilira mba, kandi si yaliho mundu waali mu mirembe kutura ku vasigu weve mba. Ndaakola vandu nivagwa vasigu va vandi.

Matayo 10:21

“Amwavo alazama amwavo weve yiitwi, na baba alazaama umwana weve, na avana valagilunga na kulwaana aviivuli vaavo nu kuviita.

Matayo 10:36

na, avasigu vu mundu avadamanu vene navinyumba yeeye mwene.

Matayo 12:25

Yeso yamanya zing'anagani ziavo, navavoolera, “Uvwami vwosi uvwavukanaa uvwene, vwonekaa ma vugwa; si vunyala kusingira mba. Amadara goosi anoho zinyumba ziosi iziavukanaa nukulwana iziene zilagwa ligali.

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Marko 3:24

Niiva uvwami vwi kivala vulavukana uvwene, uvwami yivwo si vunyala kusingira mba.

Vakalagi 7:22

Lwa vandu va Gidioni vaali nivakikuba ivisiriva, Yahova yakola vasigu vosi avaari mu hokososa nivatanga kulwaana aveene na vene ni vivavi viavo. Viiruka kuzia kolovega lwa Zarezani kuduuka Bezishita, kali kuduuka mu lidaala lia Abeli-mehola ahimbi Tabazi.

Vakalagi 9:23

Maku Nyasaye yakola Abimeleki na vandu va Shekemu kolegana, ma nivibaala kuye.

1 Samweli 14:16

Avasaza va Saolo yavika ku vulindi mu kivala cha Benjamini valora vandu va Filisitia nivanyagura yiyi na yiyi mu lidandana.

1 Samweli 14:20

Maku Saolo harara na vasaza vi liihi vosi avaari naye vaatura kuzia kulwaana na va Filisitia, avaari nivakubanaa aveene na vene mu ligoyana.