Isaya 18:2 - KITABU KITAKATIFU

² Avatumwa vatura mu kivala yiki kuzia ku mugera gwa Naili mu amato agalombwa kutura ku vidundu. Mwilane yengo galaha, munyi avatumwa va vwangu! Mwilanyie amakuva mu kivala chiinyu ichagavulanywa ni migera, muhaane ku ihiiri ya vandu vinyu avaveeye nizinguru kandi nuvunyari, avataambi kandi vi ligodo lilahi, kandi avizingulu zinene ligali, avaveeye avandu vatiivwa kivala choosi.

Isaya 18:2 Iomraidhean Croise

2 Kyetsinyinga 14:9

Mundu mulala walangwa Zera kutura mu kivala cha Ezopia yaza kwingilira Ivuyuda ni liihi lia vasaza 1,000,000 harara na magare 300 ha Maresha.

2 Kyetsinyinga 16:8

Avandu va Ezopia na Libia vaali na mahi amanene harara na magare na vasaza vi zibarasi navuzwa kigira wasedema ku Yahova yakokola nuvaguuta.

Ayubu 9:26

Livamwoyo liange livitaa vwangu kuli liato lia vwangu ligali, kuli indizu yikaa vwangu kumamira kifoyo.

Kutwula 2:3

Navuzwa lwa yaali sianyala ku muvisa kandi mba, yamunavira kihinda cha mafunzu navaka ku iramu kunangwa amazi gavuli kwingira mu, ma naviika mu umwana, nakiviika mu lifunzu halujinga lwu mugera.

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Jeremia 49:14

Inzi ndaavoora, “Avandu va Edomu, Inzi mali konyoora makuva kutura ku Yahova. Yakutuma mutumwa kovoolera zihiiri vavungizi avasikari vaavo kandi vetegeke kwingilira munyi.

Ezekieli 30:9

“Lwi lidiku yilio liliduuka, kandi lwa vandu va Egebeti lidivizwa, inzi ndakatumi avatumwa ni zimeri kuvukiza vandu va Ezopia avataveeye ni limanya, na valakatiihizwi. Lidiku yilio lizaa!”

Obadia 1:1

Yivu novoporofeti vwa Obadia, makuva ga Yahova Wuvunyali yavoola kigira Edomu. Yahova umali kutuma mutumikiri weve ku zihiiri, kandi kumali kuhulira makuva geege agaavoola: “Mwetegeke! Gendi kuzie kulwaana Edomu!”

Habakuk 1:7

Valandiza vuti ni lidegera linene kandi mu vwelori vwavo valivugulira malago.

Luka 10:19

Henza, inzi mali kumuha uvunyali kuduvagira hasi zinzoka ni zing'e, kandi uvunyali vwosi vwu kuguutira zinguru ziosi ziu musigu oyo. Sikeveeye ho kindu ku viosi ikinyala kumusaliriza kali hakuzu mba.