Isaya 17:8 - KITABU KITAKATIFU

⁸ Sivaleereda kandi ku vwali vwa valomba na makono gaavo mba; anoho kusuuvira mu vusiza vwa makono gaavo mba. Viveeye vuzwa vifananyi viu munyasaye wikikali Ashera kandi uvwali vwu kusambira ku vimuli.

Isaya 17:8 Iomraidhean Croise

2 Samweli 22:42

Vanira ovokonyi, navuzwa siaveeye ho nu uvahonyia mba. Vanira ku Yahova, navuzwa siavativuliraa mba.

2 Kyetsinyinga 14:5

Mu liamiiha lilie, uvwami vwali ne lie hozelizamu mirembe kigira yatulizaho havundu hukusigamira misambwa ma kandi yatuliza ho uvwali vwu kusamba vimuli kutura mu madaala manene goosi gi Ivuyuda.

2 Kyetsinyinga 31:1

Lwa vaali nivakamara lilia lie Pasaka avandu vosi va Isiraeli vazia mu vuli madaala manene mu Ivuyuda ma nivononyia zitiru zia magina, nivatema vifananyi viu munyasaye wi kikali Ashera. Vononyia uvwali na havundu hukusigamira misambwa. Vaakora malala mere mu Ivuyuda yoosi kandi ni vivala viosi vie zihiiri zia Benjamini, Efuraimu, na Manase; maku viirana yengo vosi.

2 Kyetsinyinga 34:4

Yahaana amalago ku vasaza vanene veve kusambulanyia uvwali ha vandu ha vasigamira Baali, kandi nasambura uvwali vwi vimuli ahimbi navwo. Kandi yaduvulanyia vifananyi viu munyasaye wi kikali Ashera harara ni vifananyi vindi viosi, navugura luguchi lwavio nalusalanyia ku virindwa via vandu vahaana visiuviliru kuvio.

Kutwula 34:13

Mu vogono yivwo, muvunanyie uvwali vwavo, nukusambula minaara mitakatifu jaavo, nokotemanyia vifananyi viu munyasaye wikikali wavo Ashera.

Isaya 1:29

Mulava novovereri ndi mwasigamira misaala nukutaga misaala mu milimi mitakatifu.

Isaya 10:20

Ing'inga yizaa lwa vandu va Isiraeli vatigara kandi avahononoka valakavuli kusuuvira ihiiri yaali himbi kuvadiviza. Valakaviki lisuuvira liavo ku Yahova, Nyasaye Mutakatifu wa Isiraeli.

Isaya 17:9

Lwi lidiku yilio liliduuka, madaala manene agakingwa vulahi galang'anywa, kandi galalekwa vuzwa ivianyi kuli madaala manene aga vandu va Hivi na Amori valeka lwa viiruka kutura ku vandu va Isiraeli.

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 37:19

kandi vamala kusaamba avanyasaye vaavo, avavura kuva avanyasaye kali hakuzu nitali ivifananyi vie misaala namagina, ivialombwa na makono gavandu.

Isaya 41:29

Avanyasaye yava vosi sivaveeye kindu kali hakuzu, vaveeye avadedekere kandi sivaveeye nu vunyali mba, sivanyala kokora kindu kali kilala mba.”

Isaya 44:15

Mundu atumikiraa kedonye kilala chu musaala kuli iziingu na ekedonye kindi akitumikira ku lilomba kifananyi. Atumikiraa kedonye kilala kugwo kolomba muliru ukwota kandi kolomba migadi. Atumikiraa kedonye kindi okolomba umunyasaye, nukukisigamira.

Jeremia 17:2

Avandu vinyu vasigamira vifananyi via vamali kolomba kigira umunyasaye wikikali Ashera: Kuvwaali, isi wa vuli musaala muvisi, kuzindongozi ziu kutugulu

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Zefania 1:3

Ndakadivizi avandu harara ni zinyama, manyonyi goosi; kandi zisuzi ziosi. Ndakagwihizi vandu vachamu. Ndakadivizi avandu vosi mu kivala. Inzi Yahova mali kovora.

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Kwidzulitsa 7:5

Kunangwa, saambuli uvwali vwavo, muvunanyie muvidonye minaara mitakatifu jaavo ja magina, mutemere hasi vifananyi viu munyasaye wavo wikikali ulangwa Ashera kandi musaambe misambwa jaavo.