Isaya 17:14 - KITABU KITAKATIFU

¹⁴ Valeta vutihizi vonene hamugorova, navuzwa vaatura ho mugambazuri. Yiki nicho keheri cha yavo avalanyaa miandu jietu; kandi kidieli cha yavo avakunuulaa kivala chietu.

Isaya 17:14 Iomraidhean Croise

2 Avami 19:3

Yili nilio likuva lia Hezekia yavavolera vahane ku Isaya: “Lero liveeye lidiku lio vovereri vonene ligali kunyi kohevwa amageri kandi koveeye mu zisoni zinene ligali. Koveeye kuli mukali oveeye ni inumwa, navuzwa siaveeye ni zinguru ziu kwekema umwana aduuki kwivulwa.

2 Avami 19:35

Vudiku vwene yivwo, engelosi wa Yahova yazia hokososera ha vandu va Siria ni yita avasikari 185,000. Na lwa vandu vavuuka mugambazuri mumavwevwe, lidiku lialonda ku, henza, avandu yava vosi vaali ni vakuzi!

Ayubu 20:29

Yiki nicho kidieli cha Nyasaye aheezaa avachamu; Yiki nicho kidieli cha Nyasaye yavatovolera.

Zaburi 37:36

Navuzwa lwinyima, mundu oyo siyaloleka mba; ndamwenya ligali, navuzwa siyanyooleka mba.

Tsing'ano 22:23

Yahova alasingilira kiyaalo chavo, kandi alalanya yavo avalanyaa avadaka.

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 21:12

Ndaativura, “Umugamba guzaa, navuzwa uvudiku vulilana kandi. Niiva wenyaa koteeva kandi, wirane ma oteeve.”

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 29:7

Maku, mahi goosi gi zihiiri zingiliraa lidaala linene liu vwali vwa Nyasaye, ni viugi viavo via mahi, ni viju viosi - ivindu viosi - vilakatulizwi ho nokogota kuli maloto, kuli kindu kiganaganiywi mu vudiku.

Isaya 30:28

Atumaa imbuza imbiri weve, kuli mugera gwa amazi ugumali kwizura guhilana vuli kindu keveeye imbiri wagwo! Alahaana amageri ku zihiiri nu kuzidiviza ligali kandi aheliza liloohiza liavo lidamanu.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 33:18

Uvuti vuvwo vwakale vwa vasololi vuvusuuru kandi vwa avatunyirizi vulava chukwizuliza mu zing'anagani.

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Isaya 41:12

Mulenyeleriza yavo avaveeye vasigu vinyu, navuzwa si mulavanyoola mba; yavo avamulwaanaa, valava kuli kindu vuzwa.

Jeremia 13:25

Umali kovora ndi yiki kilava kivi chienyu. Yili nilio liamali kotovola akole ku munyi kigira mumali kumwivirira kandi musuuviraa muvanyasaye vuvugadi.

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Jeremia 49:10

Navuzwa inzi mali kokora visukululwi via Esau kuva chahonyo ligali, kandi kulang'aminya havundu haavo hu kwivisa, kunangwa vavuli kwivisa kandi mba. Avandu vosi va Edomu vadivizwi. Siaveeye ho kali mulala utigaye mba.

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Zekaria 2:12

Avandu vi Ivuyuda kandi valakave vatovole va Yahova mu kivala chiche kitakatifu. Jerusalemi lilakave lidaala linene lia nayaanze kuvita madaala gandi goosi.

Vakalagi 5:31

Avasigu vovo vakuze ndio, O, Yahova, navuzwa avalina vovo vang'ereng'ane kuli iliuva! Ni mirembe jaaliho mu kivala ku mihiga arubaini.