Isaya 17:13 - KITABU KITAKATIFU

¹³ Mahi gi zihiiri gaaza kuli muriviti gwa mazi manene, navuzwa Nyasaye alagagondokera nago galiirukira ihale ligali. Galakungwa kuli mukuuzi ku vigulu imbiri wi imbuza ihuuzaa; valakungwa kuli luguki luhilwa ni kihuzuzi.

Isaya 17:13 Iomraidhean Croise

Ayubu 21:18

Navahuuza kuli mavululi gahuzwa ni imbuza mba, noho luguchi luhuuzwaa ni kihuzuzi?

Ayubu 38:11

ndaagevoolera, ‘Ivi inyanza hamba hano, na si ulavita ahene yaaha mba! Viguvuli vivio vie zinguru kuduuka vigalirwi hano.’

Zaburi 1:4

Navuzwa avadamanu sivaveeye ndio mba. Vaveeye kuli mukuuzi gwi imbuza ihilaa.

Zaburi 35:5

O, Yahova, leka vave kuli mukuuzi guhuuzwa ni imbuza, nivakungwa ne engelosi!

Zaburi 65:7

Ivi ohomatizaa lifuma lie zinyanza kandi ukiring'anyia liyoga lie viguvuli. Ukiring'anyia kandi kivihiri cha vandu.

Zaburi 65:8

Avandu vosi vi lirova vagenyaa ku vikolwa vivio vinene via umali kokora. Vikolwa vivio viokogonyia vileetaa uvusangari kutura ku keheri kilala chi lirova kuduuka ku ikindi.

Zaburi 9:5

Ivi umali kogondokera avizihiiri, nu kuvadiviza ligali, umali kuvakola vivilirwi mihiga ni mihiga.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 21:15

Avandu virukaa vaduuki kohononoka kutura ku vivavi vimali kwetegeka kuviita kutura ku uvuta vwetegeki kulasa, kutura ku vuhimwa vwosi vwi liihi.

Isaya 22:18

Alakodola kuli umupira nukukusiuva ihale mu kivala kenene ligali. Ulakuzira mu kivala yiki ahimbi namagare googo gu vulwani gu wigingilira. Oveeye ni zisoni imbiri wa avanene vovo vutumikiraa.

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 30:28

Atumaa imbuza imbiri weve, kuli mugera gwa amazi ugumali kwizura guhilana vuli kindu keveeye imbiri wagwo! Alahaana amageri ku zihiiri nu kuzidiviza ligali kandi aheliza liloohiza liavo lidamanu.

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Isaya 40:15

Zihiiri ziosi ziveeye ku Yahova kuli ingelageliza ya mazi mu isiongo, kandi zivalizwa kuva kuli luguchi ku zigero. Ivisulu viosi vie inyanza viveeye kuye kuli muyeke.

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Isaya 8:7

Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Hosea 13:3

Kulwayago, avandu yava valakama kuli malesi kandi kuli iliime likamaa mugambazuri. Valava kuli mukuzi gwi imbuza ihilaa kutura Koloze, kandi valava kuli umwochi guvitiraa mu muluhu.

Zefania 2:2

ni mukikiri kukungwa kuli mukuzi guhuuzwa ni imbuza, imbiri wu vutima vululu vwa Yahova vukikiri kuduuka ku munyi, imbiri wi lidiku lwa Yahova akikiri kumanyia uvutima vwivwe vululu.