Isaya 17:11 - KITABU KITAKATIFU

¹¹ Navuzwa kali niiva jaamera nukulaviza vimuli mugamba mulala mwere lwa wajisimika, kali sihalava niligesa mba. Halava vuzwa nuvudinyu vweng'ine kandi mulasalira uvuzunu vutanyala kohonywa.

Isaya 17:11 Iomraidhean Croise

Ayubu 4:8

Mali kolola vandu ni vakora uvudamanu kandi nivamizaa uvudinyu kuli mulimi amizaa uvuguza, navuzwa vagesa vuzwa uvudamanu.

Zaburi 90:6

Indiva yiyi isivukaa mugamba nukulaviza kimuli, makuniala nukukuza ha mugolova.

Isaya 17:5

Kivala cha Isiraeli kilava kuli mulimi gwuvuswage kotema ma vogeseywi, kilava mang'anye kuli mulimi mu livona lia Refaimu lwi viangala vimali kodoolwa nukutigara umwere.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Hosea 9:16

Avandu va Isiraeli, vaveeye kuli musaala gwi miri jimali kwuma si gulama makuyu kali hakuzu mba. Si valiivula vana mba, kali niiva valiivula, ndiita vana vaavo vavayaanza.”

Joeli 1:17

Uvuguza vukuzira mu lirova liumu. Vuswage vuvulaho vwokotera, kunangwa iviage viere viatigala mang'anye.

Kyavalevi 26:20

Liyinzira vudinyu lienyu lilava liavuzwa, kigira kivala chienyu sikilaama viukulia kandi mba misaala sijilaama makuyu mba.

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Kwidzulitsa 28:39

Mulasimika mizabibu minyingi nokugisembelera, navuzwa simulavungiza mazabibu gajo anoho kunwa iwaini yajo mba kigira zing'ende zilagalia.