Isaya 16:4 - KITABU KITAKATIFU

⁴ Muleke komenye mu kivala chienyu. Mukukingi kutura ku yavo avenyaa kukudiviza.” Lidambizwa ni lidivizwa vilahera, na yavo avononyia kivala valatura ho.

Isaya 16:4 Iomraidhean Croise

Isaya 14:4

Lwakola yaga, avandu va Isiraeli valakolera mwami wa Babiloni kehenyahenye nokovoora, “Umwami umudambizi umali kugwa! Sialadambiza mundu kandi mba!

Isaya 15:6

Amazi gu mugera gwa Nimuraimu gakami, uvunyasi voveeye ku lujinga lwagwo vuniaye; uvulimu vwumi sikeveeye ni kindu kivisi sikitigaye ho mba.

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 51:13

Ivi wiviiliyi inzi Yahova uwakolomba, uwaavambula ligulu kandi uwavika mise jie lirova. Kigira ki omenye muvuti kazozo vwu vululu vwa yavo avakudambizaa, vwa yavo aveetegeki kukudiviza? Uvululu vwa avadambizi voveeye haliha?

Isaya 54:14

Likalaga lirungi kandi uvulungi vilakokola ove nizinguru, ulava ihale kutura ku lidambizwa ni litihizwa linene.

Isaya 58:7

Musange viukulia vienyu harara na vaveeye ninzara kandi mwiguli zinyumba ku vadaka vatali na hango. Muhaane zinguvu ku yavo avatali nikindu chukwiviika, kandi mutasuula kokoonya aviiko vinyu mba.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 40:11

Lwa Avayuda vosi mu Moabu, Amoni, Edomu nivivala vindi viosi viahulira ndi mwami wa Babiloni yaleka vandu va Isiraeli valala kutigala mu Ivuyuda kandi vamali kotovola Gedalia mwana wa Ahikamu, mwana wa Shafani kuva umwimiliri wavo,

Jeremia 48:18

O, munyi avandu vamenyi mu Diboni, mwiki kutura havundu hu luyali kandi mwikale mu luguchi; kigira avandu vu kudiviza Moabu vamali kuduuka, kandi vamali kwononyia zimbinga zia Moabu.

Jeremia 48:8

Vuli lidaala liradivizwa, si lilavaho kali lilala ilihona mba; livona kandi kereremo viombi vilava amanganye. Inzi Yahova mali kovora.

Obadia 1:14

Ng'ano mwavura kusingila muvwavukaniru vwizinzira nukugumira yavo avagerizaa kwiruka, Ng'ano mwavura kuvahaana ku vasigu ku lidiku liuvusaliri vwavo.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Zekaria 9:8

Ndakalindi kivala change nu kwigalira mahi galavuli kuvitira mu. Sindakaleke avandu vadamanu vadambizi avandu vange kandi mba. Mali kolola kuli avandu vange vasaalira.”

Malaki 4:3

Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Kwidzulitsa 24:14

“Mutadambizi vatumikiri vatungwa, vaveeye vadaka kandi vi lienya ligali, kali nivaveeye vandu va Isiraeli vache vinyu anoho vageni vamenyi mu lilala ku madaala ginyu.

Likunula 11:2

Navuzwa oleke kubima umugizi gwi Litembeli. Kigira yigu goheveywi avandu vi zihiiri, yava valaduvaga lidaala litakatifu ku lwi mieli arubaini na mbiri.