Isaya 16:11 - KITABU KITAKATIFU

¹¹ Kunangwa, siomeraa Moabu na Kiri Heresi novovereri vonene ligali.

Isaya 16:11 Iomraidhean Croise

Isaya 15:5

Mwoyo gwange guliliraa Moabu! Avandu virukiyi mu lidaala lia Zoari, kandi kuduuka Egilazi Shelishiya. Valala vanigira kunzira izizaa Luhizi, nivasioma lwa vaziza; valala virukira Horonaimu nivasioma ligali.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 4:19

Uvuzunu! Sinyala kwikuzira kuvuzunu mba! Mwoyo gwange! Mwoyo gwange gukubaganaa vudinyu ligali! Sinyala kuchiring'ana mba; mbulira visiliva kandi liyoga lie liihi.

Jeremia 48:31

Kulwayago, ndasioma kigira avandu vosi mukivala cha Moabu kandi avandu va Kiri Heresi.

Jeremia 48:36

“Kunangwa siomaa kigira avandu va Moabu kandi avandu va Kiri Heresi, kuli umundu yimbaa zinyimbu zie likuza mu lilere, kigira vindu viosi viaveeye navio vimali kudiva.

Lisyoma lya Jeremia 1:20

“Henza, O, Yahova, kigira koveeye mu kivi, kunyi koveeye muvudinyu; mioyo jietu jimali kukuza kigira kumali kugwa avibaali ku ivi ligali. Muzinzira zie lidaala linene avandu vitiywi ni vivavi; kali mu zinyumba, likuza liveeye mu.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Vafilipi 2:1

Ilivamwoyo lienyu mu Kristo limukolaa kuva ni zinguru, kandi uvuyanzi vwivwe vumuleminyaa umwoyo. Muveeye ni lisanga harara na Roho kandi muveeye nu mwoyo umulahi kandi muveeye nizimbavasi kandi liverererana vene naveene.