Isaya 16:10 - KITABU KITAKATIFU

¹⁰ Avulaho ho nu mundu uhanzuka anoho wimbaa mukizabibu. Avulaho uminaa mazabibu kolomba iwaini; lihaanzuka liuvusangali liheri.

Isaya 16:10 Iomraidhean Croise

Ayubu 24:11

Valomba amaguta kutura ku mizeituni, na iwaini kutura ku mizabibu, navuzwa yavo aveene vaveeye nu vuluhu.

Isaya 24:11

Haveeye ho nililira linene mu zinzira kigira sihaveeye ho niwaini mba; uvusangari vwosi vumali kohera; uvuyanzi vumali kutulizwaho mulirova.

Isaya 32:10

Munyala kwiguta kalunu, navuzwa ing'inga kuli yiyi muhiga guzaa mulakave mu kivi kigira simulakave ni liagula lia mazabibu mba.

Jeremia 48:33

Uvuyanzi kandi uvusangari vimali kutulizwaho kutura mukivala kigunamu cha Moabu. Inzi mali kokora iwaini ivuli kwidoroka kutura mu viminilu vie iwaini, mundu si aveeyeho olomba iwaini kandi nukuhanzuka kigira uvusangari mba.

Ezekieli 7:7

Kivi kimali kuduuka ku munyi, avandu vamenya mu kivala. Ing'inga eveeye ahimbi lwi lisangala lilakavuli kuva ho Ha kiguru hu kusigamira vifananyi navuzwa ligoyana.

Joeli 1:12

Makuyu gi mizabibu ni misaala ja makuyu jimali kuniara; misaala giosi ja matunda ja vunguluka kandi jaakuza. Vusangali vwavandu vwagota.

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Amosi 5:17

Halakave ho ni lisioma mu milimi ji mizabibu. Yaga goosi galekoleka kigira nziza kuhaana amageri ku munyi.” Yahova umali kovora.

Amosi 9:13

Yahova avoora, “Madiku gaaza lwu vuswage vulamera nu kuviruka vwangu ligali kuvita lwa vogeswa. Makuyu galaviruka vwangu ligali kuvita lwiwaini inyala kolombwa. Vigulu viliidoloka iwaini enolu, nu tugulu twosi tulituruka iwaini yene yeyo.

Zefania 1:13

Vutugi vwavo vulavugulwa kandi zinyumba ziavo ziladivizwa. Sivalakamenye mu zinyumba zia vumbaka mba, anaho sivalakanwi iwaini kutura ku mizabibu jaavo ja vataga mba.’ ”

Vakalagi 9:27

Vosi vazia mu vizabibu viavo, nivagula imizabibu nivakamulura iwaini nivalomba iliinwa linene. Viingira mu livugana liu munyasaye wavo nivalia kandi nivanwa, ma nivachaya Abimeleki.