Isaya 15:2 - KITABU KITAKATIFU

² Avandu va Diboni vanina ku kiguru ukusiomera hatakatifu haavo. Avandu va Moabu vakuba zikwiri mu vovereri kigira Nebo kandi Medeba; vaavegi mitwi ni zinderu ziavo mu vovereri vonene.

Isaya 15:2 Iomraidhean Croise

2 Samweli 10:4

Haruni yagumira avatumwa va Daudi, naakara lovega lulala lwi zinderu zia vuli musaza, naakara zinguvu ziavo hagati kutura ku kisindi ma navakuunga.

1 Kyetsinyinga 19:4

Kunangwa Hanuni yagumira avatumwa va Daudi, navega zinderu ziavo kandi nataandula zinguvu ziavo kutura kwigoti kuduuka ku kisindi, ma navakunga.

Ayubu 1:20

Maku Ayubu yasingira naatandula zinguvu zizie mu vovereri. Yavega liisu ku mutwi gwigwe, kandi naagwa hasi mamumama.

Isaya 14:31

O, munyi avandu vi lidaala linene lia Filisitia, mulire kandi mwanire ovokonyi! Uluguchi luzaa kutura Ivaale, oveeye iliihi litaveeye mu na vandu vataveeye nu vuti.

Isaya 15:3

Avandu vaveeye mu zinzira viviiki zinguvu zia magunia. Ku visegese vie zinyumba kandi hagati ha madaala manene avandu vasiomaa nukulira.

Isaya 16:12

Avandu va Moabu valuhiziywi ligali nivazizaa ku vigulu viavo viukusigamira vanyasaye kandi mu matemberi gaavo kusaala, navuzwa sivilavakonya kali hakuzu mba.

Isaya 16:7

Avandu va Moabu valasioma kigira uvudinyu vwavaveeye navwo. Vosi valasioma lwaviizuliza viukulia vilahi ligali viavaliizaa mu lidaala linene lia Kiri Hareshezu. Vosi vaali vugira lisuuvirizwa.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Jeremia 3:21

Liyoga lihulirika kutura kuzindongozi zie vigulu: navandu va Isiraeli avalira nokogoonya, kigira vamenya muvwoni kandi vayivilira Yahova Nyasaye wavo.

Jeremia 47:2

Yavoola: “Henza! Mazi manyingi gaazaa kutura Ivaale kandi galanyagula kuli mugera gwizuuyi. Galakunika lirova niviosi viveeye mu, amadara na avandu vamenyi mugo. Avandu navaaniri ovokonyi; vuli mundu mukivala naaliri vululu.

Jeremia 47:5

Ovovereri vonene vumali kuduuka ku avandu va Gaza, na avandu va Ashikeloni vachiring'ani machiriri. Kuduuka ing'inga ki avandu vandi vosi va Filisitia valasioma? kuduuka ing'inga ki?

Jeremia 48:1

Yaga nigo aga Yahova Wuvunyali, Nyasaye wa Isiraeli yavoola kigira avandu vikivala cha Moabu: “Avandu va Nebo vaveeye mukivi, Lidaala liavo limali kudivizwa! Lidaala lia Kiriazaimu limali kugumirwa, zimbinga zialio zie zinguru zimali kwononywa; kandi avandu valio vamali kuvikwa mu zisoni.

Jeremia 48:18

O, munyi avandu vamenyi mu Diboni, mwiki kutura havundu hu luyali kandi mwikale mu luguchi; kigira avandu vu kudiviza Moabu vamali kuduuka, kandi vamali kwononyia zimbinga zia Moabu.

Jeremia 48:31

Kulwayago, ndasioma kigira avandu vosi mukivala cha Moabu kandi avandu va Kiri Heresi.

Jeremia 48:35

Ndigalira avandu va Moabu vavuli kuhaana vihaanwa viu kusambwa havundu haavo hu kusigamira vifananyi, kandi ndavigalira vavuli kuhaana visiuviliru ku avanyasaye vaavo. Inzi Yahova mali kovora.

Jeremia 49:3

Mukubi zikwiri munyi avandu va Heshiboni! Lidaala lia Ayi lidiviziywi! Avakali va Raba, musiome! Mwiviki zinguvu zia magunia kandi musiome. Munyaguli yiyi na yiyi muligoyana. Umunyasaye winyu Moleki alahirwa mulihaminywa harara navasaalisi veve na avanene veve.

Jeremia 7:29

“Musiome, munyi avandu va Jerusalemi, muvege liisu lienyu na mulisiuvi ihale. Mwimbi zinyimbu zie likuza ku zindongozi zie vigulu, kigira inzi Yahova mbeeye nu vutima, mali kusuura avandu vange.

Ezekieli 27:31

Vavega masu gaavo kigira munyi, kandi viviika zinguvu zia magunia. Vaali nu vuliduhu mu mioyo jiavo lwa vasioma.

Ezekieli 30:2

Yavoola, “Mwana wu Mundu, oporofete kandi ulandizi aga inzi, Yahova Wuvunyali mboraa. Ulandizi makuva yaga: Lidiku liu kutihiza lizaa!

Ezekieli 7:18

Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Kyavalevi 13:40

Niiva liisu liu mundu nilitura imbiri anoho inyima wu mutwi gwigwe, yaga siganyala kumukola kuva mudamanu mba.

Kyavalevi 21:5

“Musaalisi atavega mutwi gwigwe anoho kovega zinderu zizie, anoho kwisalaga kumanyia ndi asiomaa mba.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Livalidza 21:28

Kutura mu lidaala lia Heshiboni, liihi lia Sihoni liaza imbiri kuli umuliru. Liadiviza lidaala lia Ari mu Moabu, kandi liononyia vigulu vie Igulu wa Arinoni.

Livalidza 21:30

Navuzwa kalunu visukululwi viavo vimali kudivizwa, vosi kutura Heshiboni kuduuka Diboni, kutura Nashimu kuduuka Nofa ahimbi Medeba.”

Livalidza 32:3

“Zisoma zia Atarozi, Diboni, Jaza, Nimura, Heshiboni, Eleale, Shebamu, Nebo na Beoni,

Livalidza 32:38

Nebo, Baali Meoni; amita yaga gagilunganywa na Sibima ma nivahaana amita mahia ku madaala gavumbaka vuhia.

Kwidzulitsa 14:1

“Munyi muveeye avandu va Yahova Nyasaye winyu. Kunangwa lwa musiomeraa avakuzu, mutisalaga miviri jinyu aveene anoho kovega amasu imbiri wi mitwi jinyu kuli avandu vandi vakora mba.

Kwidzulitsa 34:1

Musa yanigira kutura mu vireremo via Moabu kuzia ku Kiguru cha Nebo, kuduuka kondongozi kwi kiguru cha Pisiga, ivugwi wa Jeriko, nu uwene yeyo, Yahova yamumanyia kivala choosi: kivala cha Gileadi kuduuka Ivugwi wi lidaala lia Dani,