Isaya 14:2 - KITABU KITAKATIFU

² Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 14:2 Iomraidhean Croise

Ezara 2:65

komeeda kuveene yava, vaaliho kandi na vatumikiri vasaza kandi avakali 7,337; harara na vimbi vizinyimbu avasaza kandi avakali 200.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Isaya 18:7

Ing'inga yiza lwa Yahova Wuvunyali alinyoora vihaanwa kutura ku vandu vi kivala yiki ichagavulanywa ni migera, kutura ku ihiiri eveeye indambi kandi yi ligodo lilahi, kandi avizingulu zinene ligali, avatiivwa mu kivala choosi. Vosi valaza ku kiguru cha Ziyoni, uwa Yahova Wuvunyali asigamirwa.

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 49:22

Mwami munene Yahova avooreraa avandu veve ndi: “Ndagingira avandu vi zihiiri mukono gwange, kandi ndagiinga ebendera yange igulu kuva kuli kelolekizu ku vandu vange, kandi mulaleeta avana vinyu avayaayi ni vagingiywi ku vilitu vienyu kandi avana vinyu vakaana nivagiingiywi ku mavega ginyu.

Isaya 49:23

Avami valava kuli avababa vinyu, avakali va avami valava kuli avamama vinyu. Valinama imbiri winyu kandi valegehiza nukuhaana uluyali ku munyi. Hene yaho, mulamanya ndi, Inzi mbeeye Yahova, na yavo vosi avaveeye nilisuvira mu inzi sivaliduuka mu zisoni mba.”

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 60:4

Heenzi ku zimbega ziosi mulole agaakoleka; avandu vinyu vivungiza harara kuza ku munyi. Avayaayi vinyu valaza kutura ihale, avakaana vinyu valagingwa kuli avana vakekeeke.

Isaya 61:5

Avageni valamutumikira kandi valaya nu kulinda chayo chiinyu, kandi valalima milimi jinyu, nu kulinda milimi jinyu jie mizabibu.

Isaya 66:12

Yahova avoora, “Ndamuletera limedeka liu vutugi vunyingi litahera mba; uvutugi vwi zihiiri vwiutululuka ku munyi kuli mugera gutakamaa. Mulava kuli mwana mudoto olelangwa na mama weve, agingangwa mu maha, nukulindwa muvuyaanzi.

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Joeli 3:8

Ndaleka vayaayi vinyu na vakana vinyu vagulizwi ku vandu vi Ivuyuda; valagulizwa ihale wa Sabeanzi. Inzi, Yahova, mali kovora.

Kyavalevi 25:44

Niiva mwenya vatugwa, kuduuka muvaguli kutura mu zihiiri ziveeye himbi ni munyi.

Obadia 1:17

“Navuzwa ku kiguru cha Ziyoni avandu valala valakahononoke, kandi halakave havundu hatakatifu. Avandu va Yakobo valakavuguli kivala keveeye chavo ku vulungi.

Zekaria 2:13

Vuli mundu akiring'ane imbiri wa Yahova, kigira yaazaa kutura hatakatifu hehe.

Zekaria 2:9

“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.” Lwayaga galiekoleka, vuli mundu alakamanye ndi Yahova Wuvunyali yanduma.

Luka 12:45

Navuzwa, niiva mutumikiri oyo alaganagana mu mwoyo gwigwe nokovoora, ‘Mwami wange alindagiyi kwirana,’ ma atange kukubaga avatumikiri vandi avikisaza na avikikali, atange kulia nu kunwa nukuhambika.

Varumi 15:27

Aveene vamali kotovola kokora ndio; navuzwa kuduuka vavakonye. Avayuda vaasanga navo ivihaanwa viu mu Roho, kunangwa kuduuka vandu vizihiiri navo vatumikiri imiandu jaavo kokoonya Avayuda.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafeso 4:8

Mang'oda Matakatifu gavoora, “Lwa yanigira igulu mwigulu ligali, yimilira muganda munene gwa vahambe, kandi yahaana vihaanwa ku avandu.”

Likunula 3:9

Henza! Ndakora umuganda gwa Setani, vavola vaveeye Vayuda, navuzwa sivaveeye ndio mba giligali vavehaa; ndavakora vaze kusigama ha virenge vivio, kumanyia ndi inzi nguyaanzaa.