Isaya 14:1 - KITABU KITAKATIFU

¹ Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 14:1 Iomraidhean Croise

Esther 8:17

Vuli kivala kandi lidaala linene, na hoosi hi lilaga liu mwami liasomwa, Avayuda vaali nu vuyanzi nu vusangali harara ni lilia lie lisosa. Kali avandu vanyingi vaatovora kugwa Avayuda kigira vaatia Avayuda.

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 102:14

Avatumikiri vovo vayaanza lidaala yilio kali niiva liayononywa; valiverereraa kali niiva liveeye mu mang'anye.

Zaburi 143:12

Kigira uvuyanzi vuvwo vwa kazozo ku inzi, wiite avasigu vange, kandi udivize vosi avadambizaa mwoyo gwange, kigira inzi mbeeye mutumikiri woovo.

Zaburi 98:3

Yaduukiza lisuuviriza lilie ku vandu va Isiraeli nu vusuuvirifu kandi nuvuyanzi vwivwe vutaveeye nekeheri kuvo. Avandu vosi havundu hoosi vamali kolola liguuta lia Nyasaye wiitu.

Isaya 19:18

Lwi ing'inga yiyi iduuka, lulimi lwa Avaheburaina lulakamolomwe mu madara manene 5 ga Egebeti. Avandu wene yeyo valisuuha mu lieta lia Yahova Wuvunyali. Lidaala lilala ku madaala yaga lilakalangwe, “Lidaala linene lie liuva.”

Isaya 21:1

Yili ni likuva lia Nyasaye kigira Babiloni Kuli vihuzuzi vinene kutura Negebu vihuzaa kuvitira hagati hi changalangwe, ikivi kilaaza kutura mu kivala chi litihiza.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 41:8

“Navuzwa munyi avandu va Isiraeli muveeye avatumikiri vange, muveeye avandu vandaatovola, visukululwi via Aburahamu mulina wange.

Isaya 41:9

Ndaamulanga kutura mu zikona zie lirova lie ihale ligali, kandi nimuleeta kutura ku keheri chi lirova, na ndamuvolera, ‘Munyi muveeye avatumikiri vange.’ Inzi si ndamusuura mba, navuzwa ndaamutovora.

Isaya 44:1

Yahova avoora, “Huliriza kalunu, O, Isiraeli, vatumikiri vange, avandu vange vatovole, visukululwi via Yakobo.

Isaya 45:14

Yahova avooreraa avandu va Isiraeli ndi; “Uvutugi vwa Egebeti na Ezopia vulava uvwinyu, kandi avandu vaveeye avataambi ava Seba valava avatugwa vinyu; valaza ku munyi nivavoheywi minyororo, kandi valagwa hasi imbiri winyu nivavoora, ‘Nyasaye aveeye harara ni munyi, kandi siaveeye ho nuwundi mba.

Isaya 47:1

Yahova avoora, munyi avandu vi lidaala linene lia Babiloni, “Mwiki hasi kutura kondeve yinyu yu vwami, mwikale hasi mu luguchi. Mwaali kuli mukaana mugima, wi lidaala lia Kalidei, navuzwa kalunu simulava avimioyo mike anoho avadedekere mba. Kalunu muveeye kuli avatugwa!

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 49:15

Kunangwa Yahova yavativulira, “Mundu mukali anyala kwivilira umwana weve mudoto, Kandi anyala kuvula kuyaanza umwana weve wa yiivuyi mwene? Kali niiva alivilira mwana weve, navuzwa inzi sinyala kwivilira avandu vange mba.

Isaya 49:25

Yahova yiranyia amativuli ndi, “Kali musikari muluviliri anyala kunyagwa ivilanye vivie. Kandi avahambe valasoolwa kutura ku mundu mululu. Ndalwaana na vasigu vinyu, kandi ndahonyia avana vinyu.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 54:3

Ulasunda zinzako zizio zivambuki ku zimbega ziosi; kisukururwi chicho kilirana kuvugura kivala, ichi zihiiri zindi zimenya mu kalunu. Madaala manene agaali nigang'anywa galizula avandu.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 56:3

Umugeni uhambana ku avandu va Yahova atavoola ndi: “Yahova sialandeka sigamiri harara na vandu veve.” Umundu waladwa ataganagana ndi kigira sianyala konyora avana, sianyala kuva mulala ku vandu va Nyasaye.

Isaya 60:10

Yahova avooreraa, avandu va Jerusalemi ndi, “Avageni valumbaka uvuhia amadigi ginyu, kandi avami vaavo valamutumikira. Ndahaana amageri kumunyi mu vutima vwange, navuzwa kalunu ndamumanyia liyaanzilira liange ni zimbavasi.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Jeremia 16:15

Nitali valakisuhi ku inzi kuli Nyasaye oveeye mwoyo uwaleeta avandu va Isiraeli kutura mukivala chi Ivaale kandi kutura muvivala vindi viosi viandaali nindavasalanyiramu. Inzi ndakaviranyie mu kivala chavo aveene, mukivala chandaha kuvaguuga vaavo. Inzi Yahova mali kovora.”

Jeremia 29:14

Inzi mboraa, mulanyola kandi ndamwiranyia mukivala chienyu. Ndamwiranyia harara kutura mu vuli kivala kandi kutura vuli havundu hoosi ahandaamusalanyia, kandi ndamwiranya mukivala chandaamutulizamu nimuhila mu lihaminywa. Inzi Yahova, mali kovora.’

Jeremia 30:8

Yahova Wuvunyali avoora: “Lwa lidiku yilio liliduuka, inzi ndakavunanye iniira eveeye kumagoti gaavo, kandi ndakatulizi minyororo jayo, sivaliva avatugwa vavageni kandi mba.

Jeremia 31:4

Munyi avandu va Isiraeli avaveeye avuvuguli vudinyu kuli mukaana mugima inzi, kulwayago ndamwumbaka vuhia na muliyumbaka. Munyi mulavina kigira uvusangari kandi mulakuba vikuli vienyu.

Jeremia 50:33

Yahova Wuvunyali avoora, “Avandu va Isiraeli na vandu vi Vuyuda vadambizwa. Vosi avavagumila vavalinda vudinyu ligali kandi sivanyala kuvavoholola mba.

Jeremia 51:51

Munyi muvooraa, ‘Kunyi kumali konyegwa kandi kuvikwa mu zisoni; si koveeye ni liekonya liosi mba kigira avageni vamali kuvugura havundu hatakatifu mu Litembeli.’

Ezekieli 16:60

Navuzwa nambane luyali ku lilagana liandalomba ni munyi lwa mwaali nimukikiri vasoleri. Nanombe lilagana ni munyi liaza lihindiri mihiga ni mihiga.

Ezekieli 47:22

Kilava mwandu gwinyu gwi mihiga ni mihiga. Avageni vamenyi mu munyi kandi avamala kwivulira avana hano, gavadukiraa vanyoore kedonye chavo chu mulimi lwa mugugavuranyia. Gaduukanaa muvakolere kuli avandu vi kivala cha Isiraeli kandi vakubi zikuura konyoora kedonye chu mulimi harara ni zihiiri zia Isiraeli.

Zekaria 1:17

Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Luka 1:54

Vaduukiza lilagana lia yalagana na vaguuga; kandi umali kuza kokonya mutumikiri weve Isiraeli.

Luka 2:32

imbiri wa avandu vosi, uvulavu kuvuula uvulariri vuvwo ku avandu vi zihiiri kandi koleta uvukumi ku avandu vovo Isiraeli.”