Isaya 13:9 - KITABU KITAKATIFU

⁹ Lidiku lia Yahova liveeye ahimbi, lidiku liu vutima vululu vwa Yahova. Lirova lilakolwa hazwa, kandi vuli mwoni omenyi mucho aladivizwa.

Isaya 13:9 Iomraidhean Croise

Zaburi 104:35

Leka avoni vadivizwi kutura ku lirova; leka avachamu vavuli kuva ho. Nzizominyaa Yahova nu mwoyo gwange gwosi. Yahova yizominywe!

Tsing'ano 2:22

Navuzwa Nyasaye alatulizaho vandu vachamu kandi avoni kutura mu kivala kuli misaala jifwaa kutura mu marova.

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 34:8

Yiyi niyio ing'inga lwa Yahova alakahonyie avandu va Ziyoni nu kuvanza kisaalia ku vasigu veve.

Isaya 63:4

Ndaakalaga ndi ing'inga yo kohonyia avandu vange imali kuduuka; yaali ing'inga yu kuhaana mageri ku vasigu vaavo mu livaanza kisaalia.

Isaya 66:17

Yahova avoora, “Keheri keveeye ahimbi ku yavo avitakasa aveene lisigamira misambwa, kandi avazizaa mu milimi jukusigamira nivalonda yavo misambwa avalizaa zinyama zie zimbizi, kandi zinyama zia amajungu harara ni zinyama zindi ziu kuvihiliriza.

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Ezekieli 13:5

Sivinyala kulinda havundu ha madigi gaayavuguka mba, anoho sivinyala kwumbaka uvuhia madigi ga vandu va Isiraeli mba. Kulwayago Isiraeli sinyala kukingwa lwu vulwani navuuzi ku lidiku liange lia Yahova mba.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Joeli 2:1

Kuba kisiriva; kuba ulwanga ku avandu va Ziyoni, kiguru cha Nyasaye Kitakatifu. Mudegere, avandu vi Ivuyuda! Kigira lidiku lia Yahova lizaa vwangu.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Nahum 1:2

Yahova Nyasaye siyikuzilaa ku vaahing'ana naye mba; ahaanaa mageri ku yavo avahing'anaa naye. Avanzaa kisaalia mu vutima vwivwe.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Nahum 1:8

Adivizaa vasigu veve ligali kuli adivizaa migera ja mazi manyingi. Adukizaa vasigu veve ku keheri; kandi alavalondelera kuduuka mu kisundi.

Zefania 1:15

Lilakave lidiku liu vutima vululu, lidiku lie kivi kandi lidiku liu vudinyu; lidiku liu kwononya kandi kudiviza, lidiku lie kisundi kenene ligali, lidiku limwamu kandi lia malesi manyingi.

Zekaria 14:1

Lidiku liveeye ahimbi lia Yahova alakahaane likalaga. Lidaala lia Jerusalemi lilakalanywe na vilaanye vilakagavulanywe imbiri winyu.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”