Isaya 13:8 - KITABU KITAKATIFU

⁸ Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 13:8 Iomraidhean Croise

2 Avami 19:26

Avandu vamenyaa mu madaala yago sivali ni zinguru; vatihizwa kandi vagenya. Vaali kuli vunyasi mu mulimi anoho kuli indiva emeraa ku inyumba igulu wi imbuza imbiu yi vugwi ivwuminyaa ni vukikiri kuviruka.

Zaburi 48:7

wa vadiviza kuli zimeri zia Tarishishi, agahunzulanywa nukuvunanywa ni imbuza yi kiihi kutura ivugwi.

Isaya 26:17

O, Yahova, ivi okoli kunyi kuliri vudinyu, kuli mukali aliraa mu vuzunu mu lilumwa liu mwana.

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Jeremia 30:6

Kalunu uganaganeku yaga! Musaza anyala kwivura mwana? Kigira ki ndolaa vuli musaza uviiki makono kunda yeeye kuli mukali oveeye mulilumwa lielivula? Kigira ki vuli mundu aveye novoveleli mumoni?

Jeremia 4:31

Ndaahulira ililira kuli liu mukali oveeye mulilumwa liu mwana, ndaahulira iliayura kuli mukali wivuraa mwana weve wukutanga. Liali lilira lia avandu va Jerusalemi vaagamuraa imvika, nivanyiraa imikono jiavo nivavoora, “Kumali kudiva! Vazaa kunzita!”

Jeremia 46:5

Yahova ateeva, “Navuzwa nikindiki chandolaa? Vagirung'ana nukwirana inyima mu uvutihizi. Avasikari vaavo vakubagwa; vizuyi uvuti, vanyagura vwangu kuli vanyara na sivikivukaa inyima mba.

Jeremia 48:41

amadara kandi zimbinga zilagumilwa. Ku lidiku liene yilio, avasikari va Moabu valatiihizwa kuli umukali oveeye mu lilumwa liumwana.

Jeremia 49:22

Musigu na yingiliri avandu va Bozira kuli indizu yika hasi nivavambalizi zimbaha. Ku lidiku yilio avasikari va Edomu navatihizwi kuli mukali oveeye mulilumwa liu mwana.”

Jeremia 49:24

Avandu va Damasiko vaveeye vadedekere kandi vamali kwiruka mu uvutihizi. Vaveeye muvuzunu kandi mu kivi kuli mukali oveeye mulilumwa liu mwana.

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 51:30

Avasikari va Babiloni vamali kolekera kulwaana, vatigaye mu zimbinga ziavo. Liluvirira liavo ligehi kandi vamali kugwa kuli avakali. Virivwa vie lidaala linene vivunanyiywi, ni zinyumba zimali kusambwa.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Joeli 2:6

Lwa ziesunda himbi, vuli mundu atizaa; mumoni mwosi mugirung'anaa mamubuhera.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Yohana 16:21

Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.