Isaya 13:22 - KITABU KITAKATIFU

²² Zimbiti zilafuma mu zimbinga zia zio, na vivwi vi laloka mu zinyumba ziuvusangali ziazio ziu vwami. Ing'inga yu kudiviza lidaala linene lia Babiloni iduuki! Amadiku galio sigalamedwa kandi mba.”

Isaya 13:22 Iomraidhean Croise

Zaburi 44:19

Navuzwa wakoleka hagati hi zinyama ziu mwigendanyama, kandi wakukunika ni chiriri chi likuza.

Isaya 14:23

Ndakora kivala yiki kuva havundu hi vilungu komenya, kandi ndakekola kuva madavalia ga amazi, kandi ndeya kivala yiki na amenyo gu kudiviza. Inzi Yahova Wuvunyali mali kovora.”

Isaya 25:2

Umali kokora madaala manene kuva mang'anye nukwononyia zimbiga ziago. Zinyumba ziuvwami zia vasigu viitu vumbaka zituliho mihiga ni mihiga.

Isaya 32:14

Kali inyumba yu vwami ilakalekwe, kandi lidaala liveeye linene ligali lilakang'anywi. Hango ho vomenyo kandi, minaara jaavakinga vilava amang'anye mihiga ni mihiga. Zibunda ziu mumulitu zilagendagenda mu, kandi amagondi galakanyole yo uvwayiru.

Isaya 34:13

Amafwa ni zindavati na matagalo zilamera mu zinyumba ziavo ziosi ziu vwami, nukumadigi gamadaala, kandi maudo ni vivwi vilakamenye mu.

Isaya 34:14

Zinyama ziu mumulitu zilavoyavoya havundu yaho, kandi amademoni galalanganila ho. Gunani ogonenene gwa vudiku gulaaza havundu yaho kwenya hagunyala kososera.

Isaya 35:7

Muyeke muhiu gulava kuli lidavalia kandi lirova liumu lilava visenukiru via mazi. Havundu hi vivwi vimenya, vunyasi harara ni lifunzu vilamera ho.

Isaya 43:20

Kali zinyama ziumbulimu zilamba uluyali; ivivwi na mavudu vilanzizominya, lwa ngola migera kuvitira mu changalangwi ukuhaana mazi ku avandu vange vatovole.

Jeremia 48:16

Kivi keveeye ahimbi kuduuka ku kivala cha Moabu; kandi lidivizwa liacho lizaa vwangu.

Jeremia 51:33

Nonoho avasigu valavatuula hasi nukuvaduvagiraho kuli uvuswage koloze. Inzi, Yahova Wuvunyali, Nyasaye wa vandu va Isiraeli mali kovora.”

Jeremia 9:11

Yahova avoora, “Ndakora Jerusalemi ikitumi cha mang'anye, ahavundu hivivwi vimenya; amadara givuyuda galagwa viangalangwe, havundu hu mundu atamenyi.”

Lisyoma lya Jeremia 4:3

Kali vivwi vinyunyaa avana vavio, navuzwa vandu vange vamali kugwa avalulu ku avana vaavo kuli amahudu gu mwigendanyama.

Mika 1:8

Maku Mika yavoola, “Kigira yaga ndalira nu kusioma. Kumanyia liverera liange, ndagenda ku virenge viere kandi chahonyo. Ndaasama kuli kivwi, na ndaasioma kuli lihudu.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Zefania 2:14

halakave havundu hi viayo, hi zing'ombe kandi zinyama zing'ano ziosi zilakagone. Amakuure galakamenye mu mang'anye gacho kandi galakakubi liyoga lie zinguru kuvitira mu madirisha. Majikoro galakaliri vululu ku vika vie miliango. Misaala jaavo ji midaragwa javumbakila jilakatulizwi ho.

Kwidzulitsa 32:35

Ing'inga yiza lwa valiguutwa, ing'inga yi lidivizwa liavo eveeye ahimbi. Lidiku lie lidivizwa liavo leveeye ahimbi.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.