Isaya 13:11 - KITABU KITAKATIFU

¹¹ Yahova avoora, “Ndaleta kivi ku lirova kandi ndahaana amageri ku vandu vadamanu vosi kigira vwini vwavo. Ndaheriza uluyayi lwa vuli mundu oveeye ni liegingira, kandi ndahaana amageri ku vuli mundu oveeye ni kirage.

Isaya 13:11 Iomraidhean Croise

Ayubu 40:12

Yee, henza ku avigingiri na uviikizi hasi; duvulanyia vachamu havundu ha vasingira.

Tsing'ano 11:31

Avandu vaveeye valungi vanyoola madanyi gaavo mukivala yiki; kunangwa ove nilisuvira ndi vandu vachamu na voni valahevwa mageri.

Tsing'ano 8:13

Kusuura vudamanu ni kuhaana ku Yahova luyali; ndasuura kwelola nu kwigingira, ni zinzira zindamanu na makuva go vovehi.

Isaya 11:4

Alakalagira avadaka nuvulungi kandi alakinga avatinyaliza nuvulungi. Ku likuva lie lilaga lilie, avandu valahevwa mageri, kandi avandu vadamanu valitwa.

Isaya 14:21

Muleke liitwa litange! Avana vu mwami uyu valakuza, kigira uvwoni vwa avaguuga vaavo. Siaveeye ho kali mulala uliamiiha lirova mba anoho kwumbaka amadara amanene mu lirova mba.”

Isaya 14:5

Yahova umali koheriza zinguru zia avamihi vadamanu

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 2:17

Luyaayi lwu mundu lulagehizwa, kandi liegingira liu mundu lilikizwa. Maku Yahova yeng'ine alakahevwe luyali mu lidiku yilio.

Isaya 22:14

Mwami munene, Yahova Wuvunyali mwene yamoloma ku inzi navoora, “Ligali avandu yava sivalasamifwa vudamanu vwavo lwa vakikiri mwoyo mba. Inzi Mwami munene Yahova Wuvunyali mali kovora.”

Isaya 23:9

Yahova Wuvunyali, niye walohiza yaga, aduuki kwononyia no koleganyia yavo avaari nu luyali mu lirova liosi.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Isaya 25:3

Avandu vi zihiiri zie zinguru valakakwizominyi. Madaala manene gi zihiiri zinduru galakakutie.

Isaya 25:5

kuli kemeyu mu kivala chumu. Navuzwa ivi Yahova, umali kukiring'anyia vasigu viitu; ukiring'anyia lihanzuka lia vandu valulu kuli lilesi likindizaa lidiku liu mbasu mululu.

Isaya 26:21

Yahova yaazaa kutura mu vomenyo vwivwe vwu mwigulu ukuhaana mageri ku avandu vu mulirova kigira uvwoni vwavo. Avandu aviita vandi mu vwivisu ku lirova valavulika, kandi lirova sililavisa yavo avamala kwitwa mba.

Isaya 29:20

Kilava keheri cha yavo avadambizaa avandu vandi kandi vachaya Nyasaye. Vosi avakolaa uvwoni valakadivizwi.

Isaya 29:5

Jerusalemi, vageni vosi vakwingilira valahuuzwa ihale kuli luguchi, na amahi gaavo gukutihiza galatura ihale kuli mukuuzi. Nonoho vugira kumanya,

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 5:15

Vuli mundu alava mu zisoni, kandi avigingiri vosi valagehizwa.

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Jeremia 48:29

Munyi muveeye avelori ligali! Inzi mali kuhulira kuli mwelora, kuli mwigingiraa kandi kuli mwekonyaa, kandi kuli mwiganaganira aveene.

Danyeli 4:34

Mwami yavoola, “Lwi mihiga 7 jaali ni jakavita,” ndahenza mu ligulu, kandi vulamu vwange vwirana. Ndizominya Nyasaye Wuvunyali kandi ndahaana luyali nu vukumi ku omenya mihiga ni mihiga. Alakamiihi mihiga ni mihiga kandi vwamihi vwivwe vulakahindili zing'inga ziosi.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”