Isaya 13:10 - KITABU KITAKATIFU

¹⁰ Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Isaya 13:10 Iomraidhean Croise

Ayubu 9:7

Nyasaye alaangaa liuva livuli kotonga, kandi yigalira zing'ereng'ani zivuli kong'ereng'ana vudiku.

Kohelethu 12:2

Yilwo nilwo lwu vulavu vwi liuva, mweli, kandi zing'ereng'ani vuzizagilira kukumwamira, na malesi gi imbura sigalirana mba.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 47:5

Yahova avooreraa lidaala lia Babiloni, “O, munyi avandu va Babiloni, mwikale mu kisundi muchiring'ane, simulalangwa kandi mwami wi kikali wi zihiiri mba.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Isaya 50:3

Nyara kukunika iligulu ni kisundi kuli wiviki inguvu yi ligunia ing'inga yu kusioma.”

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 5:20

Yahova lilaleeta kisundi, na uvulavu sivulavaho mba. Lilakave lidiku lie kisundi ligali vugira vong'ereng'anu.

Nahum 1:8

Adivizaa vasigu veve ligali kuli adivizaa migera ja mazi manyingi. Adukizaa vasigu veve ku keheri; kandi alavalondelera kuduuka mu kisundi.

Zekaria 14:6

Lwi ing'inga yeyo iduuka, sihalakaveho nu vukindu anoho lime mba,

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Marko 13:24

“Navuzwa mu madiku yago, inyima yi kivi yicho, iliuva lilakamwame, nu umweli si gulakake mba.

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.

Vikolwa 2:20

liuva lilava kisundi, na umweli gulava mwakanyu kuli amasahi; lidiku linene liu vukumi vwa Nyasaye nilikikiri kuduuka.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.