Isaya 12:6 - KITABU KITAKATIFU

⁶ Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 12:6 Iomraidhean Croise

Zaburi 132:14

“Yaaha niho aha inzi ndimenya mihiga ni mihiga; kandi ha nyenya kwamiiha.

Zaburi 135:21

Mwizominye Yahova mu Ziyoni, mu Jerusalemi hango hehe. Mwizominye Yahova!

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Zaburi 68:16

Kigira ki mukendekelaa kiguru cha Nyasaye yatovola komenya mu mihiga ni mihiga?

Zaburi 71:22

Ndakwizominya ligali nuvukana; O, Nyasaye wange, ndizominya uvusuuvirifu vuvwo. Ndakubira ivi zinyimbu ziu kukwizominya ku lidungu liange. O, ivi Nyasaye Mutakatifu wa Isiraeli.

Zaburi 89:18

O, Yahova, ivi oveeye mukingi wiitu, ivi Nyasaye Mutakatifu wa Isiraeli, wakuha mwami wiitu.

Zaburi 9:11

Mwimbi zinyimbu ziu kwizominya Yahova, wamihaa mu Ziyoni! Mu volere zihiiri ziosi makuva gi vindu viosi viokogenyia viamali kokora.

Zaburi 99:2

Yahova Nyasaye aveeye munene ligali mu Ziyoni, akuminywa igulu ku zihiiri ziosi.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 24:14

Yavo avatigara mwoyo valakimba kigira vusangali. Yavo avaveeye Imadioli valavoora kuli ovonene vwa Yahova voveeye,

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Isaya 33:21

Yahova alakakumanyia kunyi uvukumi vwivwe. Kulamenya ahimbi ni migera migalamu kandi notogera, navuzwa zimeri ziu vulwani sizileelema kujo mba.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 41:16

Mulavwilura nimbuuza ilatulizamu mukuzi, kandi ilasalanyia mukuzi zana yigwo. Maku mulasangala kigira mulizominya inzi Yahova winyu, inzi Nyasaye Mutakatifu wa avandu va Isiraeli.

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Isaya 54:1

Wimbi nuvusangali, O, ivi Jerusalemi oveeye mugumba; ivi uwavula kwivura umwana. Uhanzuki nukwimba vudinyu kigira uvusangari, ivi uwavula kuva ku ni lilumwa liu kwivura. Mukali walekwa alava na vana vanyingi kuvita avana vu mukali oveeye numusaza.

Isaya 60:16

Zihiiri kandi Avami valalinda liiva lienyu kuli mama alindaa mwana weve. Mulamanya ndi, Inzi Yahova, mali kumuhonyia, kandi Nyasaye wi zinguru wa vandu va Isiraeli, umali kumuvoholola.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Ezekieli 35:10

“Munyi mwavoora ndi, avandu vi ihiiri yi Ivuyuda na Isiraeli, harara ni vivala viavo ni vienyu kandi mulavivugula, kali niiva Inzi Yahova, ndaali Nyasaye wavo.

Ezekieli 39:7

Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Ezekieli 48:8

Namuviki halovega kidieli kikagata ni kidieli cha Yuda kutura Ivugwi kuduuka Imadioli. Kilava zikilomita 12 ninusu uvuvambalaru kutura Ivaale kuduuka Isavaalu; kandi uvutambi vulava vulala vwere kutura ivugwi kuduuka Imadioli kuli kilala ku vidieli via vagavula ku zihiiri. Litembeli lilava hagati hi kidieli yiki.

Hosea 11:9

Inzi si ndamuha mageri mu vutima vwange mba. Sindadiviza avandu va Isiraeli kandi mba. Inzi mbeeye Nyasaye na si mbeeye umundu mba. Inzi, oveeye Mutakatifu mbeeye ni munyi. Si ndaza ku munyi nu vutima mba.

Joeli 2:27

Maku, Isiraeli, mulamanya ndi inzi mbeeye harara ni munyi, kandi inzi, Yahova, mbeeye Nyasaye winyu, kandi siaveeyeho na Nyasaye wundi mba. Na vandu vange sivalachaywa kandi mba.

Zefania 2:5

Munyi avandu va Filisitia mwadiva! Munyi avandu vamumenyi ahimbi ni inyanza. Yahova umali ku mukalagiraa. Alakamudivizi kandi avulaho mundu kali mulala ku munyi ulitigara.

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 2:9

“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.” Lwayaga galiekoleka, vuli mundu alakamanye ndi Yahova Wuvunyali yanduma.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Kwidzulitsa 23:15

“Niiva mutugwa yirukiyi ku ivi nu kwehonyia kutura ku uwamutuga, utamwilanyia ku munene weve mba.