Isaya 12:5 - KITABU KITAKATIFU

⁵ Mwimbiri Yahova kigira vindu vinene viamali kokora. Leki lirova liosi lihuliri makuva yaga.

Isaya 12:5 Iomraidhean Croise

Zaburi 105:2

Mwimbiri Yahova zinyimbu ziu kwizominya; muvoore vindu viokogenyia viamali kokora.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 98:1

Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

Kutwula 15:1

Maku Musa na avandu va Isiraeli vimbira Yahova ulwimbu yilu: “Ndimbira Yahova, kigira umali kuguuta liguuta liu vukumi: Umali kusiuva zibarasi harara navahili vazio munyanza.

Kutwula 15:21

Miriamu yaavimbira: “Mwimbiri Yahova, kigira uguuti liguuta liu uvukumi; umali kusiuva zibarasi harara na vahiri vazio munyanza.”

Isaya 24:14

Yavo avatigara mwoyo valakimba kigira vusangali. Yavo avaveeye Imadioli valavoora kuli ovonene vwa Yahova voveeye,

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 42:11

Avandu vamenyi mu changarangwi, kandi avandu vamenyi mu madaala vizominye Nyasaye; avandu vamenyi mu madaala ga Kedari vamwizominye! Avandu vamenyi mu lidaala lia Sela vimbi ni vasaangala kutura kuzindongozi zie vigulu.

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!