Isaya 12:2 - KITABU KITAKATIFU

² Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 12:2 Iomraidhean Croise

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Ayubu 13:16

Yaga galava ovohonyi vwange ndi, kigira mundu muchamu sialasingira imbiri wa Nyasaye mba.

Zaburi 112:8

Siahendaa mwoyo anoho kutia mba, amanyia ligali alalola avasigu veve nivaguutwa.

Zaburi 118:14

Yahova aveeye zinguru ziange kandi lwimbu lwi liguuta; umali kugwa vohoonyi vwange.

Zaburi 118:21

O, Yahova nzizominyaa ivi kigira umali kuhulira lianira liange, kandi umali kumba liguuta.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 65:6

Ivi usingirizaa vigulu nizinguru zizio. Ivi oveeye nizinguru zinene ligali.

Zaburi 68:20

Nyasaye wiitu aveeye Nyasaye ohonyia, aveeye Yahova, mwami wiitu, okohonyiaa kunyi kutura mu likuza.

Zaburi 68:21

Nyasaye alavunanyia mitwi ja vasigu veve aladuvulanyia mitwi ja yavo avazizagilira komenya mu zinzira ziavo ziuvwoni.

Zaburi 83:18

Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Kutwula 15:2

Yahova aveeye mukingi wange wi zinguru; niyie yenyine umali kombonyia. Aveeye Nyasaye wange, nainzi ndamwizominya, aveeye Nyasaye wa vaguuga vange, kandi ndimba kigira ovonene vwivwe

Isaya 10:24

Mwami munene Yahova Wuvunyali avooreraa avandu veve vamenyi mu Ziyoni ndi, “Mutatia kigira avandu va Asiria mba, kali niiva vamudambizaa kuli avandu va Egebeti vamudambizaa.

Isaya 17:10

Isiraeli, mumali kwivilira Nyasaye Umuhonyia kandi Umukinga kuli lwanda lwi zinguru. Mu vogono yivwo, musimikaa misaala mu milimi mitakatifu kunangwa muduuki kusigamira munyasaye mugeni.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 33:22

Kigira Yahova aveeye mukalagi wiitu; alakakohonyie.

Isaya 38:20

Yahova, alakambonyie. Kigira yaga kulakakubi vukana kandi kulakimbi zinyimbu ziukwizominya ivi, kulimba nu kwizominya ivi mu Litembeli liilio mu madiku gi livamwoyo lietu liosi.

Isaya 45:17

Navuzwa Yahova alahonyia avandu va Isiraeli; kandi sivalava mu zisoni mba, valava avaguuti mihiga ni mihiga.’ ”

Isaya 49:5

Inzi ningikiri kwivulwa, Yahova yandovola, yangola kuva mutumikiri weve, kwilanyia kuye avandu veve Isiraeli harara navaari ni vasalanywa. Kunangwa Yahova ahaanaa uluyali ku inzi, kandi aveeye zinguru ziange.

Isaya 50:10

Nivwaha ku munyi wegehizaa ku Yahova, kandi uhuliraa amakuva gu mutumikiri weve? Oyo ogeendaa mu kisundi, kandi utaveeye mu vulavu, navuzwa asuviraa mu lieta lia Yahova, yeredaa ku Nyasaye weve?

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:11

Yahova alandizaa ku vandu vosi vi lirova ndi: “Muvoolere avandu va Jerusalemi, ndi Yahova yazaa kumuhonyia, kandi alaza harara na vandu va yamala kosoola.”

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Isaya 7:14

Kigira yaga, Yahova mwene alamuha kelolero: Henza, mukaana mugima alavereka na alivula mwana muyaayi na alamugulika lieta ‘Imanueli’!

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Jona 2:9

Navuzwa ndimba zinyimbu zie lizominywa ku ivi; ndahaana ku ivi kisiuviriru, kandi ndakora agaamali kulaga. Ovohonyi vuturaa ku Yahova!”

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Likunula 7:10

Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!