Isaya 12:1 - KITABU KITAKATIFU

¹ Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 12:1 Iomraidhean Croise

Nehemia 8:10

Hene yaho Nehemia yavavolera, muzie yengo, mulombe lilia lilahi ligali kandi munwi iwaini indahi, na musange viukulia viavo na yavo avatali navio. Lidiku lia kalunu liveeye litakatifu ku Yahova wiitu; kandi mutaverera mba, kigira uvusangari vwa Yahova voveeye zinguru zienyu.”

Ayubu 11:16

Maku ulivilira uvudinyu vuvwo vwosi, ulavwizuliza kuli amazi gimbula agaamali kuvita.

Ayubu 13:16

Yaga galava ovohonyi vwange ndi, kigira mundu muchamu sialasingira imbiri wa Nyasaye mba.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 71:21

Ivi ulaanenehiza kuvita kase, ulaleminya mwoyo gwange kandi.

Zaburi 85:4

O, Nyasaye muhonyi vwitu ukwiranyie, kandi na olekele livihirirwa ku kunyi.

Zaburi 86:17

O, Yahova, umanyie ligali kelolero chu vulahi vuvwo, kunangwa yavo avandunyira vaduuki kuva mu zisoni, kigira umali kongonya nokoneminya mwoyo.

Zaburi 9:1

O, Yahova, Inzi ndakwizominya nu mwoyo gwange gwosi, ndavolera avandu vindu viosi viokogenyia via ivi umali kokora.

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 11:16

Kandi halavaho ninzira enene kutura Asiria kigira yavo vandu veve Isiraeli avatigara mwoyo, kuli gaali ku avaguuga vaavo lwa vaatura Egebeti.

Isaya 14:3

Yahova alasosiza avandu va Isiraeli kutura ku vusaliri nu vuzunu vwavo, kandi kutura ku miyinzi midinyu javanigirwa kokora.

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 25:1

O, Yahova, Ivi oveeye Nyasaye wange; Ndakuha uluyali nukukwizominya. Ivi umali kokora vindu viokogenyia; ivi musuuvirifu umali kuduukiza lilohiza liilio liawalomba kale.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 26:1

Lidiku liizaa lwa vandu valakimbi lwimbu yilu mu kivala chi Ivuyuda: Lidaala linene lietu liveeye lie zinguru! Nyasaye mwene akingaa madigi galio nizimbinga zialio!

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Isaya 54:7

“Ndaakoleka ku ing'inga engekeeke; navuzwa ku uvuyanzi vonene ligali, ndakwilanyia hango kandi.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Isaya 54:9

“Mu ing'inga ya Nuhu, ndaalaga ndi sindaleeta kandi imbura zi migelera ku lirova kali hakuzu mba. Kalunu ndagaa ndi sindavihilirwa ivi kandi mba; sindakogondokera anoho kukuha mageri kandi mba.

Isaya 60:10

Yahova avooreraa, avandu va Jerusalemi ndi, “Avageni valumbaka uvuhia amadigi ginyu, kandi avami vaavo valamutumikira. Ndahaana amageri kumunyi mu vutima vwange, navuzwa kalunu ndamumanyia liyaanzilira liange ni zimbavasi.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 64:5

Ivi uvugilira yavo avasangalira mu likora agaveeye malungi, yavo avizulizanga kuli wenya vaduuki komeya. Waali nu vutima ni kunyi, navuzwa kwazizagilira kokora uvwoni; kali mu vutima vuvwo ovonene, kunyi kumali kokora uvudamanu kutura ing'inga yakale. Kunyala ndi konyoora ovohonyi?

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Isaya 66:13

Ndamuleminya mwoyo mu Jerusalemi kuli mama aleminyaa umwana weve mwoyo.

Jeremia 30:19

Avandu vamenyayo valimba zinyimbu zielizominya; valahanzuka nuvusangali. Kigira ligasizwa liange valamedeka ligali; ligasiza liange lilavaletera luyali.

Jeremia 31:13

Kunangwa vakana valavina kandi valayaanza, kandi avasaza, vasoleri navakulundu valasangala. Inzi ndavaleminya mwoyo nukugirung'anyia lisioma liavo kuva vuyanzi, ovovereri vwavo kuva uvusangari.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 14:20

Ing'inga yeyo, kali zigengere zie lijamu lie zibarasi zilakang'odwe ku mang'oda yaga, “CHATAKASWA KU YAHOVA”. Zinyingu zio kodekera mu Litembeli zilakave zindakatifu kuli viju viveeye imbiri wu vwali.

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Zekaria 8:11

Navuzwa kalunu sindakola vandu vaahononoka kuli maziambiri mba.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.