Isaya 11:6 - KITABU KITAKATIFU

⁶ Vivwi na magondi vilamenya harara mu mirembe, kandi iziingo zilagona hasi harara nizimbuli. Ivimooli nizisimba vilaaya harara; kandi avana vakekeeke valavilinda.

Isaya 11:6 Iomraidhean Croise

Ayubu 5:23

Milimi ja mulimaa sijilava mu na magina mba; zinyama ziumbulimu sizilakwingilira kali hakuzu mba.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 65:25

Vivwi na amagondi vilaaya harara, zisimba zilaaya uvunyasi kuli zigiriki, kandi zinzoka zilakomba uluguchi. Si vilasalirizana kandi si viladivizana mu kiguru change kitakatifu mba.”

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.