Isaya 11:3 - KITABU KITAKATIFU

³ Alasangalira mu liitia Yahova, sialakalagira mundu ku lihenza ligondo anoho kolondekana ku aga ahuliiyi mba.

Isaya 11:3 Iomraidhean Croise

2 Samweli 14:17

Ndeevolera inzi mwene, ndi lisuuvirizwa liilio, mwami wuluyali, lilandetela likingwa, kigira mwami aveeye kuli engelosi wa Nyasaye kandi anyala kwavukanyia uvulahi kutura ku vudamanu. Yahova Nyasaye woovo ave harara nivi!”

2 Samweli 14:8

Mwami yavolera mukali zana oyo, “Zia yengo na inzi ndatuliza lilago mu vugono vuvwo.”

1 Avami 3:28

Lwa avandu va Isiraeli vahulira amakuva gi likalaga lia Solomoni, vosi vaaha Solomoni uluyali lonene ligali, kigira valora ndi Nyasaye umali kumuha ovogeri kukalaga ovosooro nuvulungi.

1 Avami 3:9

Kunangwa uhaane ku inzi, mutumikiri woovo vogeri vwa nyenya nduuki kwamiiha avandu nu vulungi kandi kumanya liavukanyia hagati hu vulahi nuvudamanu. Nigataveeye ndio, nyara ndi kwamiiha avandu vovo vanene yava?”

Ayubu 12:11

Navuzwa gaveeye vuzwa kuli lulimi luyaanzaa kuzazama chukulia, kandi ndio ugutu guyaanzaa kuhuliriza amakuva.

Ayubu 34:3

Kigira ugutu gogerizaa makuva, kuli lulimi luzaazamaa chukulia.

Tsing'ano 2:5

Niiva ulakola ndio, ulamanya kivuni chu kutia Yahova kandi ulanyora ovogeri vwa Nyasaye.

Tsing'ano 2:9

Niiva ulambuliriza, ulamanya agaveeye amalungi likalaga lirungi kandi liduukilu kandi ulamanya agadukanaa okole.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Ezekieli 45:8

Kidieli yiki kilava chu mwamihi munene mu kivala cha Isiraeli, kunangwa navuli kudambiza vandu, navuzwa naleke kivala kindi choosi nakitigale ku zihiiri zia Isiraeli.

Mika 4:3

Yahova alakalaga hagati hi zihiiri zinyingi, kandi alaleeta mirembe hagati hi zihiiri zie zinguru zinene ahimbi ni ihale. Valatura vivavi viavo kolomba zimbago na amatimu gaavo kolomba mihizu ju kuhalulira. Zihiiri sizilazia muvulwani kandi, sivaletegeka ku vulwani kali hakuzu kandi mba.

Luka 2:52

Yeso yameda kuviruka mu vogeri kandi mu muviri; nameeda kuyanzwa na Nyasaye kandi na avandu.

Yohana 2:25

Si yenya mundu amulolekizire amakuva gu mundu wundi mba, kigira mwene yamanya vulahi amakuva goosi agaali mu mioyo jaavo.

Yohana 7:24

Muleke kukalagira avandu kolondekana ni liloleka lie ichova, navuzwa mukalage likalaga lia muloraa ndi liveeye lia agiligali.”

Vahebraina 5:14

Navuzwa chukulia kidinyu, ku lovega lundi, keveeye cha vandu vakulundu, kuvitira mu limanya liavo lia viinaliza, avanyala kwavukanyia hagati hu vulahi nuvudamanu.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”