Isaya 11:14 - KITABU KITAKATIFU

¹⁴ Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Isaya 11:14 Iomraidhean Croise

Isaya 14:29

Munyi avandu va Filisitia, mutasangala kigira imbimbu imukuya imali kuvunika mba. Lwa enzoka indala ikuzaa, kihirigoma kiiza mu vogono vwayo. Kihirigoma yiki, kilatera livuyu limanya lialuri enzoka yu kuburuka nu muliru.

Isaya 15:1

Yili ni likuva lia Nyasaye kigira kivala cha Moabu. Madaala manene ga Ari na Kiri gadiviziywi mu vudiku vulala, kandi kisundi kikuniki kivala cha Moabu.

Isaya 16:14

Kandi kalunu Yahova avoora, “Mu mihiga jivaga vutugi vonene vulagota. Ku vandu vanyingi va Moabu, ni vakekeeke vuzwa valitigala mwoyo; kandi valava avadedekere.”

Isaya 25:10

Yahova alakakingi kiguru cha Ziyoni, navuzwa avandu va Moabu valakaduvagirwi hasi mu kivala chavo, kuli luvuva luduvagirwa hasi mu liliina lie siina.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 63:1

“Nivwaha uyu uzaa kutura mu lidaala linene lia Bozira mu kivala cha Edomu? Nivwaha uyu, uwiviiki zinguvu zinzakanyu, na ziuvukumi, uzizaa imbiri mu vonene vwi zinguru zizie?” “Ni Yahova, wizingulu okohonyia, uzaa kulandiza uvuguuti vwivwe.”

Isaya 9:12

Siria ku lovega lwi ivugwi kandi Filisitia ku lovega lwi madioli vakunuyi minwa jaavo ukumila Isiraeli. Na kali ndio, uvutima vwa Yahova vukikiri kuduuka ku kiheri; akinyiiyi vuzwa mukono gwigwe ukuhaana mageri.

Jeremia 40:11

Lwa Avayuda vosi mu Moabu, Amoni, Edomu nivivala vindi viosi viahulira ndi mwami wa Babiloni yaleka vandu va Isiraeli valala kutigala mu Ivuyuda kandi vamali kotovola Gedalia mwana wa Ahikamu, mwana wa Shafani kuva umwimiliri wavo,

Jeremia 48:40

Yahova umali kulaga ndi ihiiri ilabuluka kuli indizu na ilavaambula zimbaha ziayo ku kivala cha Moabu,

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Jeremia 49:22

Musigu na yingiliri avandu va Bozira kuli indizu yika hasi nivavambalizi zimbaha. Ku lidiku yilio avasikari va Edomu navatihizwi kuli mukali oveeye mulilumwa liu mwana.”

Jeremia 49:28

Yaga nigo aga Yahova yavoola kigira ihiiri ya Kedari kandi kivala kisingilirwa na Hazori chiaguutwa nu mwami Nebukadineza wa Babiloni: “Yingilira avandu va Kedari kandi udivizi ihiiri yene yeyo ya avandu vi Ivugwi!

Ezekieli 25:14

Avandu vange va Isiraeli vaza vambanzili kisaalia ku vandu va Edomu, kandi na vakolere avandu va Edomu kolondekana nu vutima vwange vululu. Avandu va Edomu navamanye livanza kisaalia liange.” Yahova Wuvunyali umali kovora.

Danyeli 11:41

Alakingiliri kivala cha valagilwa nu kwiita makomi gi zielefu, navuzwa vivala via Edomu, Moabu kandi kivala cha Amoni chaali ni kitigaye, viosi vilakahononoke.

Joeli 3:19

“Egebeti kilava kivala chi changalangwi, kandi Edomu kilava kivala chu mwigendinyama, kigira vingilira vandu vi Ivuyuda kandi ni vita vandu vacho avataali nimbala.

Amosi 9:12

Na ndio, avandu va Isiraeli valaguuta nu kuvugura avandu vaatigara nokohona mu kivala cha Edomu, harara na avandu vi zihiiri ziosi izia avalange avange.” Yahova ulikola ivindu yivi kwekoleka.

Habakuk 1:8

“Zibarasi ziavo ziveeye ni zimbiru kuvita zingo, kandi ziveeye zinduru kuvita vivwi viveeye ni inzara. Avahiri vi zibarasi vazaa ni vanini kuzio kutura muvivala viveeye ihale; zibarasi ziavo zikwatula malova. Viika kutura ku zibarasi vwangu kuli kihungu kigumi via kihiimaa.

Zefania 2:5

Munyi avandu va Filisitia mwadiva! Munyi avandu vamumenyi ahimbi ni inyanza. Yahova umali ku mukalagiraa. Alakamudivizi kandi avulaho mundu kali mulala ku munyi ulitigara.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Livalidza 24:17

Mbenzaa mu zing'inga ziza, na ndolaa ihiiri ya Isiraeli. Umwami kuli ing'ereng'ani yu vulavu, alatonga kutura mu ihiiri yeyo. Alatula mu vandu va Isiraeli, kuli ing'ereng'ani. Alakuya aviimiliri va Moabu kandi alaguuta vandu vosi va Sezu.

Matayo 8:11

Na muvooleraa, avandu vanyingi valaza kutura Ivugwi ni madioli, kandi valikala mu lilia harara na Aburahamu, Isaka na Yakobo mu Vwami vwu mwigulu.

Vakalagi 6:3

Lwa vandu va Isiraeli vataga ivitagwa mu milimi jaavo, vandu va Midiani na vandu va Maleki, harara na vandu vu muchangalangwe vaza ku vingilira.