Isaya 10:5 - KITABU KITAKATIFU

⁵ Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 10:5 Iomraidhean Croise

Litanga 10:11

Kutura mukivala yicho yazia Asiria ma ni yumbaka madaala manene ga Nineve, Rehobozi Iri, Kala,

2 Avami 18:25

Muganaganaa ndi mali kwingilira kivala chienyu kandi kukidiviza vugira vokonyi vwa Yahova? Yahova mwene yambolera nyingiliri kandi ngidivizi.”

2 Avami 19:25

“Ukikiri kuhulira ndi ndalohiza kokora yaga mu maziambiri? Na kalunu mali kuduukiza makuva yaga. Ndakuha zinguru kugirung'anyia madaala manene gi zimbinga muduuki kugadiviza gave vitumi vie vianyi.

Zaburi 125:3

Avachamu sivalaamiiha kazozo kivala chavalungi mba, niiva vakakoli ndio, avalungi zana vanyara kokora uvudamanu.

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Isaya 10:15

Navuzwa Yahova avoora, “Imbaazi inyala kwevoora kuva enene ligali kuvita umundu ugitumikiraa? Musumeno gunyala kuva nilizominywa kuvita mundu ugutumikiraa? Imbimbu si inyala kuginga mundu mba, navuzwa mundu agingaa imbimbu.”

Isaya 10:25

Ku ing'inga engekeeke, lihaana mageri liange ku munyi lilahera, maku ndavadiviza.

Isaya 13:5

Amahi yaga galaaza kutura mu kivala chihale, kali kutura ku keheri chi lirova. Yahova alaza nu vutima harara ni viugi vivie kudiviza kivala choosi.

Isaya 14:24

Yahova Wuvunyali wisuhi ndi: “Ga inzi mali kolohiza galakoleka, kandi ga mali kotovola gekoleke galekoleka.

Isaya 14:25

Ndadiviza avandu va Asiria avaveeye mu kivala change cha vandu vange Isiraeli, kandi ndavaduvagira hasi ku vigulu viange. Ndahaana vovoholore ku vandu vange kutura ku iniira ya avandu va Asiria, kandi ndatuliza misigo miliduhu kutura ku mavega gaavo.

Isaya 23:13

Sivali vandu va Siria mba, navuzwa vaali vandu va Babiloni valeka zinyama ziu muvulimu nizimenya mu Tiro. Vingilira, nivasambula zimbinga zia Tiro, kandi nivaleka lidaala yilio mu mang'anye.

Isaya 26:20

Avandu vange, muzie mu zinyumba zienyu, kandi muhaane viliango. Mwivisi ku ing'inga engekeeke kuduuka lwu vutima vwa Nyasaye vovomboloka.

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 30:27

Zinguru nu vukumi vwa Yahova vunyala kololeka kutura ihale. Muliru nu mwochi vimanya vutima vwivwe. Amulomaa na makuva geege gasambaa kuli muliru gudivizaa.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 34:2

Yahova aveeye nu vutima ni zihiiri ziosi harara na mahi gaavo goosi. Umali kuvakalagira likuza.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Isaya 7:17

“Yahova azizaa koleta ku ivi, ku vandu vovo, kandi ku vosi avinyumba yu vwami madiku gi kivi kidamanu ligali kuvita yago agamala kuduuka kutura uvwami vwa Isiraeli nivwavukanywa kutura ku Ivuyuda - azizaa koleta mwami wa Asiria.

Isaya 7:20

“Lwa ing'inga yeyo iduuka, Yahova alatungaa muvegi wa masu kutura engereka wumugera gwa Efurate—naye ni umwami wa Asiria!—kandi alavega zinderu zienyu, liisu liu ku mitwi jinyu kandi liu ku miviri jinyu.

Isaya 8:4

Kigira, imbiri wu mwana uyu akikiri kuviruka kandi kumanya kovora, ‘Baba wange na Mama wange,’ mwami wa Asiria alaza kulanya uvuhinda vwosi vwa Damasiko na viosi via laanywa via Samaria.”

Isaya 8:7

Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Ezekieli 7:10

Lidiku lie kivi lizaa ku vandu va Isiraeli. Kirage kemedeki. Lielola liveeye linyingi ligali.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Nahum 1:1

Yaga na makuva kigira Nineve, amalola gu muporofeti Nahumu kutura Elikoshi.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Zefania 2:13

Yahova alakanyiiri mukono gwigwe kolovega lwi Ivaale nu kudiviza Asiria. Alakakole lidaala lia Nineve kuva mang'anye kandi changalangwe vugira mazi,

Livalidza 24:24

Aviguliri valaza kutura Saipurasi valaguuta vandu va Siria na vandu va Eberi, Navuzwa yavo valakadivizwi mihiga ni mihiga.”