Isaya 10:34 - KITABU KITAKATIFU

³⁴ Yahova alavatemaga kuli misaala milahi giveeye hagati hu mulitu gwa Lebanoni jitemwa ni imbaazi ma jigwa hasi.

Isaya 10:34 Iomraidhean Croise

Zaburi 103:20

Mwizominyi Yahova, O, munyi zingelosi vizingulu kandi vuvunyali, avahulira amalago geege, kandi avahulirizaa aga avoolaa.

Isaya 10:18

Yahova aladiviza ligali militu milahi kandi milimi migunamu, galava kuli uvulwaye uvudamanu vwitaa umundu.

Isaya 2:13

Yahova alakadivize midaragwa mitambi josi ja Lebanoni, kandi misaala josi ja Muhaloni jiveeye mu kivala cha Bashani.

Isaya 31:8

Avandu va Asiria si valitwa ni kivavi chu mundu mba, navuzwa valitirwa mu vulwani. Avandu va Asiria valiruka kutura mu vulwani, na avasoleri vaavo valagumirwa nokokorwa vatugwa.

Isaya 33:9

Kivala keveeye king'anye kandi icheele. Militu ja Lebanoni jiniaye, Livona ligunamu lia Sharoni ligwi kuli ichangalangwe, kandi amatu gahalulukaa kutura ku misaala mu kivala cha Bashani kandi ku kiguru cha Karimeli.

Isaya 37:24

Watuma avatumikiri vovo ukuuza kwigingira ku inzi ndi ivi wamala kuguuta ivigulu vitambi kuvita ligali via Lebanoni na magare googo goosi gu vulwani. Wigingira ndi, kukigulu kwene yikwo, watema midaragwa mitambi ligali kandi misaala mitovole jindi ma kandi waazia kuduuka havundu haveeye musi ligali mwi militu.

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Jeremia 22:7

Nduma avandu kuza kudiviza inyumba yu vwami yiyi. Valaza ni zimbazi ziavo, valatema nu kugwihiza zitiru ziayo zie midaragwa, nu kujisiuva mumuliru.

Jeremia 48:2

Lizominywa lia vandu va Moabu si liveeye ho kandi mba. Avasigu vamali kugumira lidaala lia Heshiboni, kandi valohizi mu vwivisu kudiviza ihiiri ya Moabu. Lidaala lia Madimeni lilachiring'anywa; amahi galazia kulilwana ni kivavi.

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Danyeli 4:23

Lwa ivi O, mwami, waheenza engelosi yika kutura mwigulu kandi nevoola, ‘Uteme musaala yigu gugwi hasi kandi ugudivizi, navuzwa oleke kitinya chagwo mu malova. Okevohe nu mugoye gwi kivia kandi gwu mugasa kandi ogoleke mu mulimi harara nu vunyasi. Oleke lime ligwi ku mundu uyu kandi omuleke amenye harara ni zinyama ku mihiga 7.’

Nahum 1:12

Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

2 Petro 2:11

Kali zingelosi ve zinguru nu vunyali kuvita avigizi vuvugadi yavo, sizileetaa ikiyaalo na manyego madamanu kuvo imbiri wu Mwami mba.

Likunula 10:1

Ndaalora engelosi yindi yi zinguru niyiika kutura mwigulu. Yaali nafumiiywi ni lilesi kandi kisaahi chi imbura chaali ku mutwi gwigwe. Mu moni mwimwe mwaka kuli liuva, ni vilenge vivie viali kuli zitiru ziu muliru.

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.