Isaya 10:33 - KITABU KITAKATIFU

³³ Yahova Wuvunyali alavagwihiza nu kuvasionoranyira hasi kuli zisia ziu musaala. Avigingiri ligali kandi avataambi ligali ku vosi valikizwa hasi.

Isaya 10:33 Iomraidhean Croise

2 Kyetsinyinga 32:21

Yahova yatuma engelosi iyiita avasikari vosi na vanene vi iliihi lia Asiria kali na vanene vu mwami. Kunangwa mwami Senakeribu yirana Asiria mu zisoni zinyingi. Lidiku lilala lwa yazia mu litembeli liu munyasaye weve, valala ku vayaayi veve vamwita nivivavi viavo.

Isaya 18:5

Imbiri wa mazabibu gagikiri kuvungizwa, lwa vimuli viosi vimali kuvunguluka kandi lwa mazabibu genga, musigu aladiviza avandu va Ezopia kuli muvano gukalagaa zisia kutura ku musaala gwu muzabibu.

Isaya 32:19

Navuzwa imbura ya magina ilakuba mu militu, kandi lidaala linene liradivizwa ligali.

Isaya 33:3

Lwukulwaniraa, izihiiri ziilukaa kutura ku liyoga liuvulwani.

Isaya 37:38

Lidiku lilala, lwa yaali nasigamira munyasaye mu litembeli liu munyasaye weve uwalangwa Nisiroki, avayaayi veve vaviri, Adirameleki na Sharezeri, vamwita nivivavi viavo, ma nivahalira mu kivala cha Ararati. Muyaayi wundi walangwa Esarihadoni - yamiha mu vogono vwivwe kuli mwami.

Isaya 5:15

Vuli mundu alava mu zisoni, kandi avigingiri vosi valagehizwa.

Jeremia 22:7

Nduma avandu kuza kudiviza inyumba yu vwami yiyi. Valaza ni zimbazi ziavo, valatema nu kugwihiza zitiru ziayo zie midaragwa, nu kujisiuva mumuliru.

Ezekieli 31:3

Muveeye kuli musaala gwu mudaragwa mu Lebanoni, ogoveeye ni zisia zie chiriri kilahi ligali; Goveeye mutambi ligali kali kuduuka mu malesi.

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Amosi 2:9

“Navuzwa, gaali kigira munyi, avandu vange, avagira nindiviza Avaamori ligali, avasaza avaari avataambi kuli midaragwa, kandi avizingulu kuli misaala imidinyu kuli muduguyu.

Nahum 1:12

Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”