Isaya 10:22 - KITABU KITAKATIFU

²² Kali niiva kalunu avandu va Isiraeli vaveeye vanyingi kuli umuyeke gu munyanza, vakekeeke vuzwa kuvo valirana. Lidiviza liveeye ho ku vandu, kandi lidukanaa ligali.

Isaya 10:22 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

1 Avami 4:20

Avandu vi Ivuyuda na Isiraeli vaali vanyingi kuli muyeke ku luginga lwi nyanza; valia nivanwa kandi nivasangala.

2 Avami 19:31

Halava na avandu mu Jerusalemi kandi ku kiguru cha Ziyoni, avalihona kigira Yahova umali kotovola kokora makuva yaga gekoleke.

Isaya 37:31

Yavo avalitigala vihiiri yi Ivuyuda valamedeka kuva vanyingi kuli misaala jihilaa miri musi mu malova nukwama makuyu malahi.

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Isaya 48:19

Zinzivulu zienyu ziakaveeye kuli muyeka, kandi visukululwi vienyu viakaveeye kuli zinzaro ziu muyeke, kandi ngano sindaamuvika ku lidivizwa mba.”

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Isaya 6:11

Ndaateva, “O, Yahova, yaga galava kuli ndi kuduuka ing'inga ki?” Yativura, “Kuduuka lwa madaala manene gadivizwa ligali nokokorwa hazwa, kuduuka lwi zinyumba zitigala vugira mundu, kandi kuduuka lwi kivala chene kidivizwa ligali.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 60:22

Kali avandu vi zinyumba zienyu avaveeye avakeekeke kandi avaveeye avukwegehiza valava avanene kuli ihiiri yi zinguru. Lwa ing'inga indahi iduuka, ndakora yaga gekoleke vwangu ligali. Inzimbeeye Yahova!”

Isaya 65:8

Yahova avoora, “Siaveeye ho mundu wononyia amazabibu malahi mba; navuzwa alombaa iwaini kutura kugo. Inzi si ndakononyie avandu vange mba, navuzwa ndakahonyie avatumikiraa inzi.

Isaya 8:8

Galakavitiri mu lidaala linene lie Ivuyuda; galizula ligali kali kukunika vindu viosi.” Nyasaye aveeye harara ni kunyi! Zimbaha zizie ziavambuka zilakinga kivala.

Jeremia 3:14

“Mwirane munyi avandu avataveeye vasuuvirifu; muveeye avange. Ndaavugura mulala kumunyi kutura muvuli lidaala kandi vaviri kutuura muvuli ihiiri, kandi nda mwiranyia ku kiguru cha Ziyoni.

Jeremia 44:28

Navuzwa vakekeeke ku munyi avalihononoka kutura mu likuza kandi valirana kutura Egebeti kuzia Ivuyuda. Maku yavo avatigara vosi vaza komenya Ivuyuda avalihona valamanya ndi na makuva gange agaveeye giligali anoho na makuva gaavo.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Hosea 1:10

Avandu va Isiraeli valakave vanyingi kuli muyeke gwu munyanza ugunyala kuvula kuvalizwa anoho kogerwa. Kalunu Nyasaye avavoolera, “Munyi si muveeye avandu vange mba,” navuzwa ing'inga yiza lwa livavoolera, “Munyi muveeye avana va Nyasaye omenya!”

Vikolwa 17:31

Kigira umali kotovola lidiku lia alikalagira kivala nu vulungi, kuvitira ku mundu mulala wa yatovola. Yahaana ku avandu vosi lisuuviriza lwa lisimugukiza kutura mu vakuzu!”

Varumi 2:5

Navuzwa kigira oveeye nu mwoyo mudinyu kandi gutali ni lieganira, na ndio wivungiziraa uvutima umwene ku lidiku liu vutima vwa Nyasaye kandi likalaga lilie liu vulungi lilakaloleke.

Likunula 20:8

alatula ichova kugaada zihiiri ziosi iziasalana mu lirova liosi, avamanyikani kuli Goga na Magogi. Setani alavavungiza harara mu liihi, navo valava avanyingi kuli umuyeke ku lujinga lwinyanza.