Isaya 10:21 - KITABU KITAKATIFU

²¹ Vakekeeke ku vandu va Isiraeli valirana ku Nyasaye wavo wi zinguru.

Isaya 10:21 Iomraidhean Croise

Ezara 1:4

Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Isaya 19:22

Yahova alakahaane amageri ku vandu va Egebeti, navuzwa alakavahonye kandi. Valirana ku Yahova, alahulira amasaala gaavo nukuvahonyia.

Isaya 37:31

Yavo avalitigala vihiiri yi Ivuyuda valamedeka kuva vanyingi kuli misaala jihilaa miri musi mu malova nukwama makuyu malahi.

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 59:20

Yahova avooreraa avandu va Isiraeli, “Ndaza ku Jerusalemi kuli umuhonyi, okohonyia kandi kukinga visukululwi via Yakobo, avagirung'ana kutura ku vwoni vwavo.

Isaya 7:3

Maku Yahova yavolera Isaya, “Vugula muyaayi woovo Shey Jashubu, na uzie kwagana nu mwami Ahazi. Ulamunyoola kunzira aha valombi vi zinguvu vayinzilira, hu mutaro goletaa amazi kutura mu lidavalia lie igulu guduukaa.

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Hosea 7:10

Liegingira lia avandu va Isiraeli livalolekiza. Kali niiva ivindu viosi viamala kwekoleka, sivayirana ku inzi Yahova Nyasaye wavo anoho konyenya mba.

Hosea 7:16

Vagirung'ana kutura ku inzi nukuzia ku nyasaye utaveeye nizinguru. Vaveeye avandu vataveeye novokonyi kuli uvuta vwavedeka. Kigira aviimiliri vaavo vamoloma niliegingira valakakuzi likuza lilulu, kandi avandu va Egebeti valakavaseke.”

Vikolwa 26:20

Navuzwa ndatanga kwilwaza ku avandu va Damasiko, inyima ku ava Jerusalemi ni kivala choosi chi Vuyuda, kandi ku Avizihiiri. Ndaavilwazira vaduuki kwiganira kandi, viraniri Nyasaye nu kumanyia mu vikolwa viavo ndi vamali kugirung'anywa mu mioyo jaavo.