Isaya 10:16 - KITABU KITAKATIFU

¹⁶ Kigira yaga, Yahova Wuvunyali alatuma lukuzu kuhaana amageri ku yavo avaveeye avatugi kandi avalizaa vulahi. Miviri jaavo jilasaambwa nu muliru gwolomemo.

Isaya 10:16 Iomraidhean Croise

2 Kyetsinyinga 32:21

Yahova yatuma engelosi iyiita avasikari vosi na vanene vi iliihi lia Asiria kali na vanene vu mwami. Kunangwa mwami Senakeribu yirana Asiria mu zisoni zinyingi. Lidiku lilala lwa yazia mu litembeli liu munyasaye weve, valala ku vayaayi veve vamwita nivivavi viavo.

Zaburi 106:15

Kunangwa Yahova yavaha cha vamuteeva, kandi yatuma uvulwaye vudamanu hagati haavo.

Zaburi 78:31

Nyasaye yavavihilira ligali, niyiita avasaza vaavo vizingulu ligali, na avayaayi valahi ligali va Isiraeli.

Isaya 10:18

Yahova aladiviza ligali militu milahi kandi milimi migunamu, galava kuli uvulwaye uvudamanu vwitaa umundu.

Isaya 17:4

Yahova yavoola, “Lidiku liizaa lwa ovonene vwa Isiraeli vulahera, na uvudaka vulavugula vogono vwu vutugi vwavo.

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 31:9

Mwami wavo aliruka mu vuti vonene, na vatumikiri valatiihizwa nokoleka ibendera yaavo yu vulwani.” Yahova wukusigamirwa mu Jerusalemi, kandi wu muliru gwadukaa yo kigira visiuviliru - Yahova umali kovora.

Isaya 37:29

Mali konyoora makuva gu vutima vuvwo ku inzi kandi mbuliyi liegingira liilio ku inzi, ndavika endoani mu amuulu googo, kandi lijamu mu munwa mumwo na ndakwiranyira kunzira ya waazira ku.”

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Isaya 5:17

Vimeme via magondi, zimburi zisoleri vilaaya mu mang'anye ga madaala manene gaavo, kuli viuvwayiru vwavio.

Isaya 8:7

Inzi Yahova, ndaleta mwami wa Asiria harara na mahi geege goosi kwingilira avandu vi lidaala linene lie Ivuyuda. Valavalwana ligali kuli amazi gumugera gwa Efurate gwizuye kuduuka ku lujinga.

Isaya 9:4

Ivi umali kuvunanyia iniira yavatugwa yavaliduhilaa kandi impimbu ikuyaa ku mavega gaavo. Umali kuguuta ihiiri ya dambiza kandi iyanuuraa avandu vovo, kuli waguuta liihi lia Midiani kale ligali.

Isaya 9:5

Vilato via mahi gingiliraa kandi zinguvu ziavo ziosi zie viba via masahi vilasambwa nu muliru.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 48:14

“Munyi avandu va Moabu, kigira ki muganaganaa ndi muveeye avaluviriri, kuli avasikari vi zinguru mu liihi?

Ezekieli 34:16

“Inzi mwene ndahenza agagotaa; ndiranyia agavoyavoya, ndavohelera agasalirizwa, kandi ndahonyia yago agaveeye malwaye. Ndakadivizi agaveeye amakomeru kandi agizingulu, kigira mbeeye mwimiliri okolaa agaveeye malungi.

Nahum 1:12

Yaga nigo ga Yahova avoora ku vandu va Isiraeli. “Kali niiva vandu va Siria vaveeye ni zinguru kandi avanyingi ligali, valakadivizwi kandi valakagote. Avandu vange, ndaamulomba ni musaliraa, navuzwa sindakola ndio kandi mba.

Zefania 2:13

Yahova alakanyiiri mukono gwigwe kolovega lwi Ivaale nu kudiviza Asiria. Alakakole lidaala lia Nineve kuva mang'anye kandi changalangwe vugira mazi,

Zekaria 7:4

Yaga na makuva ga Yahova Wuvunyali yambolera:

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.