Isaya 10:12 - KITABU KITAKATIFU

¹² Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 10:12 Iomraidhean Croise

2 Avami 19:31

Halava na avandu mu Jerusalemi kandi ku kiguru cha Ziyoni, avalihona kigira Yahova umali kotovola kokora makuva yaga gekoleke.

Zaburi 18:27

Ivi ohonyiaa avaveeye vahoma imbiri woovo, navuzwa ogehizaa yavo avigingiranga imbiri wavo.

Zaburi 21:10

Aladiviza visukululwi viavo kutura ku lirova kandi aladiviza avana vaavo vatuli hagati ha vandu.

Zaburi 76:10

Ivi okolaa avandu vu vutima kukwizominya ligali; yavo avavura kukuzira muvulwani, valizuliza ing'inga ya masavo googo manene.

Zaburi 76:5

Avasikari valuviliri vaavo vamali kulanya viosi via vaali navio, na kalunu vosi vaakuzi; zinguru ziavo ziosi ziali hazwa.

Tsing'ano 21:4

Avandu vachamu vamifwa ni liegingira kandi lielola, yaga nuvwoni.

Tsing'ano 30:13

Vaveeye ho na vandu valala avaganaganaa ndi vaveeye valahi ligali oh, henza kuli vaganagana vaveeye valahi ligali!

Isaya 2:11

Ing'inga yiza lwu luyaayi lwu mundu lulakahere, kandi liegingira liu mundu liradivizwa. Maku Yahova yeng'ine alakahevwe luyali.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Isaya 27:7

Yahova akiri kuhaana mageri malulu ku Isiraeli kuli yahaana ku vasigu vaavo, kandi vakikiri kogotiza vasaza vanyingi mu vulwani kuli vasigu vaavo vagotiza.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 29:14

Kunangwa ndagosa avandu yava na maduywa galondekanaa vugira yavo kumanya. Yavo avaveeye vageri valagirung'ana kuva avasiru, na ovogeri vwavo vwosi vulava uvutakoonya kindu kali hakuzu.”

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Isaya 37:23

Uganaganaa nivwaha wa ivi onyegaa kandi kohenyahenyera? Ivi siuhaani luyali ku inzi, Nyasaye Mutakatifu wa Isiraeli mba.

Isaya 37:29

Mali konyoora makuva gu vutima vuvwo ku inzi kandi mbuliyi liegingira liilio ku inzi, ndavika endoani mu amuulu googo, kandi lijamu mu munwa mumwo na ndakwiranyira kunzira ya waazira ku.”

Isaya 5:15

Vuli mundu alava mu zisoni, kandi avigingiri vosi valagehizwa.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 65:7

Ndahaana amageri kuvo kigira uvwoni vwavo, kandi uvwoni vwa vaguuga vaavo. Kigira vamali kuhaana ivimuli ku vigulu ha vasigamira imisaambwa, kandi nu kovora amakuva madamanu ku inzi. Kunangwa ndahaana amageri kuvo kolondekana ni lienya lie vikolwa viavo.”

Isaya 9:9

Avandu vosi va Isiraeli, vuli mulala omenya mu lidaala linene lia Samaria, alamanya ndi Yahova umali kokora yaga. Kalunu vaveeye nilielora kandi niliegingira. Vavoola,

Jeremia 25:29

Ndatanga miyinzi jange ju kudiviza lidaala linene liange mwene. Vasuviraa valahononoka kuhevwa amageri? Awa, valahevwa amageri, kigira ndatuma vulwani ku avandu vosi avaveeye ku lirova. Inzi Yahova Wuvunyali mali kovora.

Jeremia 50:18

Kigira yaga, Inzi, Yahova Wuvunyali, Nyasaye wa avandu va Isiraeli ndahaana mageri ku mwami Nebukadineza nikivala chiche, kuli ndahaana mageri ku mwami wa Asiria.

Jeremia 50:32

Ihiiri yinyu yeliegingira niyikigatili ma nigwi, kandi sinaveho mundu kali mulala waza agivukizi mba. Inzi nasambe madaala ginyu, kandi nandivizi kindu choosi keveeye ahimbi.”

Ezekieli 31:10

“Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Danyeli 11:45

Alakumbake mahema manene gu vukumi hagati hi inyanza ni kiguru, havundu hi Litembeli liumbakwa. Navuzwa alakakuzi vugira mundu kumukonya.”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Livalidza 24:24

Aviguliri valaza kutura Saipurasi valaguuta vandu va Siria na vandu va Eberi, Navuzwa yavo valakadivizwi mihiga ni mihiga.”

Matayo 12:33

“Ni mwenya munyore makuyu malahi, gamudukira muve nu musaala umulahi; kandi ni mwenya munyore makuyu madamanu, muve nu musaala mudamanu. Umusaala gumanyikanaa ku makuyu gagwo.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Kwidzulitsa 32:27

Navuzwa sindakaleke avasigu vaavo vigingiri, ndi vamali kuguuta avandu vange, lwa yaali ninzi Yahova mwene umali kuvasionolanyia.’

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?