Isaya 10:1 - KITABU KITAKATIFU

¹ O, Vayaye kivi keveeye ku munyi! Munyi avalomba amalago kuva amachamu nu kudambiza avandu vange.

Isaya 10:1 Iomraidhean Croise

1 Avami 21:13

Avadamanu vaviri zana vamuyaara imbiri wa vandu havulavu kigira linyega Nyasaye kandi mwami, nandio Nabozi yahilwa ichova wi lidaala linene naalaswa magina kuduuka ku likuza.

Zaburi 58:2

Awa! Munyi muganaganaa vuzwa uvudamanu vwa munyala kokora, kandi muvunagaa malago nuvutindi vwu kusaliriza mu kivala.

Kutwula 23:3

Utamanyia liyaanzilira ku mudaka mu liyaalwa lilie mba.

Kutwula 23:6

“Utachaminya likalaga liu vulungi ku mudaka lwa aduukaa imbiri wi kiyaalo mba.

Isaya 29:21

Nyasaye aladiviza yavo vavehera avandi, yavo vaagirung'anyia amageri gahevwa vandu vadamanu, kandi yavo avavolaa vovehi ukwigalira avandu vasuuvirifu vavuli konyoora likalaga lirungi.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Isaya 5:11

O, vayaayi, kivi keveeye ku munyi! Munyi muturaa mugambazuri nimuzia kunwa, kandi muhambikaa zing'inga zia mugolova.

Isaya 5:18

O, vayaayi, kivi keveeye ku yavo avang'usaa uvwoni nimigoye jovovehi! Avang'usaa uvudamanu ni migoye ji ligale lie zing'ombe.

Isaya 5:23

Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Isaya 5:8

O, vayaayi kivi keveeye ku munyi! Kigira mumali kugura zinyumba zinyingi kandi milimi komeeda ku vindu via muveeye navio. Nonoho si halavaho nahavundu humundu wundi amenyaa mba, kandi munyi veng'ine mulamenya mu kivala yiki.

Isaya 59:13

Kumali kwibaala ku ivi nu kwambakana ivi kandi nukusuula kolonda ivi, Nyasaye wiitu. Kumali kudambiza avandi nukugirung'ana koleka ivi. Zing'anagani zietu ziveeye ziuvugadi; na amakuva giitu gaveeye ovovehi vwere.

Isaya 59:4

Munyi muzizaa mukiyaro, navuzwa simuveeye nilikalaga liuvulungi kolovega lwinyu mba. Mweredaa ku ovovehi kuguuta ichiina. Mwetegekiza zing'anagani zienyu ziuvudamanu kusaliriza avandi.

Jeremia 22:13

O, vayaayi, kivi keveeye ku mundu wumbakaa inyumba yeeye ni likalaga litaveeye lirungi, kandi wumbakanga kuyo zigorofa uvusuuvirifu. Mundu oyo akolaa avandu kuyinzira vugira kumuha amadanyi kandi si avaheezaa mitungu jaavo mba.

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

Mika 6:16

Yaga galakoleka kigira mumali kolonda likora liuvudamanu liu mwami Omuri nu mwana weve, mwami Ahabu. Mwazizagilira kolonda likora lilie na kulwayago ndamudiviza ligali, na vuli mundu alamulegeriza. Avandu havundu hoosi valamukolera kehenyahenye.”

Habakuk 2:12

O, vayaayi munyi mwalaamwa kigira mwanyoola lidaala linene mulitahiza masahi, kandi mumali ku liumbaka mu vulumindi.

Habakuk 2:15

O, vayaayi munyi mwalaamwa kigira! Mu vutima vwinyu vululu mwalegeliza kandi mwachaya vatende vinyu; mwavakola ni vagenda nivayekayeka kuli vahambiku.

Habakuk 2:19

O, vayaayi, munyi mwalaamwa kigira, muvooleraa kifananyi kitamolomaa chalombwa ku lubaho ni ligina: “Vuka! Anoho singira!” Kifananyi kinyala kukuvulira kindu? Kinyala kuva chakunikwa ni ifeza, kandi zahabu, navuzwa sikeveeye ni livamwoyo mba.

Habakuk 2:6

Avandu vaguutwa valasekeliza vaguuti vaavo nu kuvakolera kehenyahenye. Valavoora, “Muvuguraa vitaveeye vienyu, navuzwa mwalaamwa! Mulazizagilira konyoora vutugi muliniga vandu vaveeye na magovi ginyu kutunga kuduuka ng'inga ki?”

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 23:23

“O, vayaye kilaamo kenene keveeye ku munyi, avigizi vi Lilaga kandi Avafarisayo! Avagaadi munyi! Muhaanaa ku Nyasaye kidieli chi likomi kali izaka yi vitagwa vifunya mwayu ni vimuli, nu mudalasini, navuzwa muleki kugumira amigizu gaveeye amanene agi Lilaga kuli uvulungi, livelererwa, kandi uvusuuvirifu. Agene yaga nigo agamuduukira mukore vugira koleka agandi.

Matayo 23:27

“O, vayaye kilaamo kenene keveeye ku munyi avigizi vi Lilaga na Avafarisayo! Avagaadi munyi! Muveeye kuli vilindwa vivakiywi ichoka, vifanaa vulahi kwigulu, navuzwa mugati vizuyi vigumba kandi uvugundu vwi miviri ja vakuzu ijiguundaa.

Matayo 23:29

“O, vayaye kilaamo keveeye ku munyi, avigizi vi Lilaga kandi Avafarisayo! Avagaadi munyi! Mwumbakaa vilindwa vilahi via vaporofeti, kandi musiahaa ivifananyi viavazwa kwizuliza avalungi;

Matayo 26:24

Yee, Umwana wa Adamu alakuza kuli gang'odwa kuye, mu Mang'oda Matakatifu, navuzwa, kilaamo keveeye ku oyo uzamaa Umwana wa Adamu! Vwali vwakaveeye vulahi musaza uyu alavula kwivulwa!”

Luka 11:52

“O, vayaye kilaamo keveeye ku munyi avigizi vi Lilaga! Kigira muvuguyi nukuvisa ulufungu lwu muliango gwi inyumba yo vogeri vwi limanya. Navuzwa munyi aveene simwingiraa mu mba, kandi mwigalira avaari nivingira vavuli kwingira.”

Yohana 19:6

Lwa avasaalisi vanene na vasikari vi Litembeli vamulola vahanzuka, “Muvambe! Muvambe!” Pilato yavavolera, “Munyi mumuvuguli, ma mu muvambe aveene. Inzi sindora kivuni chu kumukalagira mba.”

Yohana 9:22

Aviivuli veve vavoola ndio kigira vaatia avanene va Avayuda kigira avanene yavo vaali nivavugilirizani ndi mundu woosi uwiyama havulavu ndi asuviraa Yeso kuva Mesia, alakungwa kutura mu Lisinagogi.

Yudasi 1:11

O, vayaye, ikivi keveeye kuvo! Avandu yava vamali kolonda inzira ndala nzere ya Kaini yalonda ku. Kigira amadanyi ga mabese, vamali kokora kuli Balaamu yakola. Vamali kwibaala kuli Kora yibaala, kandi vadiviziywi kuli oyo.