Isaya 1:9 - KITABU KITAKATIFU

⁹ Yahova Wuvunyali alavula koleka valala ku avandu zana vave mwoyo ngano Jerusalemi liadivizwa ligali kuli madaala ga Sodoma na Gomora gadivizwa.

Isaya 1:9 Iomraidhean Croise

Litanga 18:26

Yahova yativura, “Niiva ndanyoora mu Sodoma vandu 50 avataveeye nimbara, inzi ndaleka lidaala kigira yavo.”

Litanga 18:32

Aburahamu yavoola, “Yahova nuyanza utasinyika mba, inzi ndamoloma lulala kandi. Galava ki niiva valava yo avandu 10 vuzwa?” Yavoola, “Inzi sindalidiviza mba niiva vaveeye yo avandu 10.”

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

1 Avami 19:18

Nitali ndaleka vandu zielefu saba mu Isiraeli, yavo vosi vaveeye vasuuvirifu ku inzi kandi sivayinamira Baali anoho kuvuusa kifananyi chiichemba.”

2 Avami 19:4

Mwami wa Asiria umali kutuma Rabishake, munene wa vanene veve kuuza konyega Nyasaye oveeye mwoyo. Yahova Nyasaye woovo ahuliri manyego yago nu kuhaana mageri ku yavo avagamolomaa. Kunangwa saali ku Nyasaye kigira avandu yavo avatigara mwoyo.”

Isaya 1:8

Lidaala lia Jerusalemi lilekeywi kuli kidioli chumusikari mu kizabibu, anoho lidiri mu mulimi gwa mahondo kuli lidaala likumbiriziywi na vasigu.

Isaya 11:11

Lwa ilidiku yilio liduka, Yahova alakatumikiri zinguru zizie kandi koleta avandu veve yengo, avandu vaatigara mu kivala cha Asiria na Egebeti, kandi muvivala via Panzurosi, Ezopia, Elamu, Babiloni; Hamazi, kandi kutura mu visulu vie inyanza.

Isaya 11:16

Kandi halavaho ninzira enene kutura Asiria kigira yavo vandu veve Isiraeli avatigara mwoyo, kuli gaali ku avaguuga vaavo lwa vaatura Egebeti.

Isaya 17:6

Avandu vakekeeke veng'ine valatigala mwoyo, na Isiraeli alava kuli musaala gwa muzeituni ugwa makuyu goosi gamali kwagurwa nigataveeye gavili anoho gavaga gatigaye ku lusia lwa higulu ligali, anoho makekeeke agatigaye ku zisia zia haasi. Inzi Yahova Nyasaye wa Isiraeli mali kovora.”

Isaya 24:13

Yiki nicho ichazachekoleke mu vuli ihiiri ku lirova liosi. Galakave kuli keheri chi ligesa, lwa mizeituni jilakave nijimali kusung'uswa kutura ku vuli musaala kandi mazabibu gukumaliriza gamali kwagurwa kutura ku vuli muzabibu.

Isaya 24:6

Kunangwa Nyasaye umali kulandiza kilaamo ku lirova. Avandu valio vasalira kigira uvudamanu vwa mali kokora. Avamenyaa ku lirova vagehaa. Yee, avatigaye mwoyo ni vakekeeke vuzwa.

Isaya 37:4

Mwami wa Asiria utumi mwimiliri wa vatumikiri veve kuuza konyega Nyasaye oveeye mwoyo. Yahova Nyasaye woovo ahuliri manyego yaga ma ahaane mageri ku yavo avagamolomi. Kunangwa usaale ku Nyasaye kigira avandu viitu avatigara mwoyo.”

Isaya 46:3

“O, mumbulirizi munyi visukululwi via Yakobo, vosi avatigara ku avandu vange! Ndaamulinda kutura ing'inga ya mwivulwa.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 65:8

Yahova avoora, “Siaveeye ho mundu wononyia amazabibu malahi mba; navuzwa alombaa iwaini kutura kugo. Inzi si ndakononyie avandu vange mba, navuzwa ndakahonyie avatumikiraa inzi.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 42:2

ni vavoola, “Mwaza yaanza okole agakokoteeva! Ukusaviri ku Yahova Nyasaye wiitu. Ukusaaliri kunyi vosi avamali kutigala. Mulitanga kwaali avanyingi, navuzwa kalunu koveeye vuzwa avakeekeke avatigara kutura mu avanyingi, kuli ivi mwene ololaa.

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Lisyoma lya Jeremia 3:22

Uvuyanzi vwa Yahova vutaveeye nekeheri, zimbavasi zizie siziveeye ni keheri mba;

Lisyoma lya Jeremia 4:6

Avandu vange vamali konyoora amageri manene kuvita mageri ga vandu va Sodoma vanyoola, lidaala liadivizwa ku ing'inga engekeeke ku vunyali vwa Nyasaye.

Ezekieli 14:22

Kali niiva mulala ku vandu yava alatigala kandi ahonyie avana veve avakaana na vayaayi, lwa vaza ku ivi, uvahenze olole kuli vaveeye avadamanu, ulavugilira ndi amageri gambana ku Jerusalemi gaveeye malungi,

Ezekieli 6:8

“Inzi ndakaleke valala vahononoke ku liitwa kandi vasalanywi hagati hizihiiri,

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Habakuk 3:2

O, Yahova, inzi mali kuhulira ga umali kokora, kandi mbeeye nu vuti vunyingi vwi vikolwa vivio. Kola ndio kalunu mu ing'inga yitu vikolwa vinene viawakolaa. Okoveere zimbavasi, kali lwa oveeye nu vutima.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Matayo 7:14

Navuzwa inzira izizaa mu livamwoyo eveeye eng'erere, na kiliango chayo keveeye keng'erere; na avandu vakekeeke vuzwa avagenyoolaa.

Varumi 9:27

Isaya yahanzuka ku Isiraeli navoora ndi: “Kali niiva avandu va Isiraeli vaveeye vanyingi kuli muyeke gwu munyanza, ni vakekeeke vuzwa kuyavo avalihonywa;

Varumi 9:29

Gaveeye kuli Isaya yavoola mu Iitanga, “Umwami Wuvunyali alavula kolekera kunyi valala ku visukululwi via Isiraeli, ngano kwaali kove kuli Sodoma, kandi ngano kwaali kove kuli Gomora.”

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.