Isaya 1:25 - KITABU KITAKATIFU

²⁵ Ndamuha amageri. Ndamutakasa vuzwa kuli kivia kitwulwa vulahi, kandi ndatuliza uvudamanu vwinyu vwosi.

Isaya 1:25 Iomraidhean Croise

Zaburi 119:119

Ivi usiuvaa avadamanu vosi vu mu lirova kuli amandu vuzwa, kunangwa inzi nyanza amigizu googo.

Isaya 1:22

Jerusalemi, ivi waali kuli ifeza ku ing'inga ndala, navuzwa kalunu sioveeye novokoonyi mba; waali kuli iwaini indahi, navuzwa kalunu oveeye vuzwa amazi.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Jeremia 6:29

Muliru gusambaa vululu, navuzwa lisasi silisaluluka nokotonyatonya mba. Navuzwa kuzizagilira kutakasa avandu vange, kigira yavo avaveeye avadamanu sivatulizwa ho mba.

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Jeremia 9:7

Kigira yaga Yahova Wuvunyali avoora, “Inzi ndatakasa avandu vange kuli kivia kandi ndavageriza Avandu vange vamali kokora uvudamanu, nikindiki kindi ichanyala kokora?

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 22:19

Kunangwa kalunu Inzi, Yahova Wuvunyali, mbavooleraa ndi, vaveeye vuzwa kuli kindu kitakonya. Inzi ndavaleta vosi harara mu Jerusalemi,

Ezekieli 22:20

munzira indara nzere yamagina gizahabu, kivia kandi mugasa vivikwa mu muliru kutulwa. Vutima vwange vululu vulavayingura kuli muliru guyingura magina.

Ezekieli 22:22

Ndavasalulukizira mu Jerusalemi kuli izahabu isalulukira mumuliru. Maku valamanya ndi inzi, Yahova, mali kuvaha mageri mu vutima vwange.”

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Malaki 3:3

Alakaze kukalaga kuli mundu atulaa kandi aselezaa ifeza. Mutumwa wa Yahova alakatakase vasaalisi kuli muturi atulaa ifeza ni izahabu kunangwa vaduuki koletera Yahova vihaanwa viduukana.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.