Isaya 1:23 - KITABU KITAKATIFU

²³ Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Isaya 1:23 Iomraidhean Croise

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Kutwula 23:8

Mutavugilira kuvugura viambeti, kigira iviambeti vikoola avandu kuvula kolola agaveeye amalungi kandi vidivizaa vandu valungi.

Tsing'ano 17:23

Vakalagi vadamanu vavugilira vaimbeti mu vwivisu, sivakora vulungi mba.

Tsing'ano 29:24

Mulina wu mundu mwivi yiviika muvuhimwa vwu vusigu, ahulira kilaamo, navuzwa si avoora kindu mba.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Isaya 1:18

Yahova avoora, “Kalunu, hambi kuhulirizane mu makuva yaga. Kali uvwoni vwinyu nivoveeye vwakanyu ligali ndamwogiza mulave kuli likonza; kali nivoveeye vwakanyu ligali kuli masahi, mulava avalavu kuli ipamba.

Isaya 1:22

Jerusalemi, ivi waali kuli ifeza ku ing'inga ndala, navuzwa kalunu sioveeye novokoonyi mba; waali kuli iwaini indahi, navuzwa kalunu oveeye vuzwa amazi.

Isaya 28:14

Kalunu munyi vigingiri avamihaa hano mu Jerusalemi kaluhu, muhuliri icha Yahova avoora:

Isaya 3:14

Alakalagira avakulundu kandi aviimiliri vavandu veve. Alombaa vivuni: “Mumali kulanya mulimi gwa amazabibu, kandi zinyumba zienyu ziizuye vindu via mwalanya kutura ku vadaka.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 33:15

Unyala kohononoka niiva ulakola agaveeye amalungi. Utatumikira zinguru zizio kugaada avadaka mba, kandi utavugilira viambeti mba. Utahambana nayavo avalohizaa kwiita anoho kokora uvudamanu vundi vwosi mba.

Isaya 5:23

Navuzwa kigira viambeti, mulakula yavo avamahiolo vazie, na mwigalira utaveeye nimbala kuvula kunyoola likalaga liu vulungi.

Isaya 65:2

Inzi mali kwetegeka vuli kazozo kwingiliza wange avandu vaveeye vibaali, avagendaa kuzinzira zitaveeye zindahi, kandi avalondaa iziganagani ziavo aveene.

Jeremia 22:17

Navuzwa unyala vuzwa kukayirwa lienya liilio umwene; witaa avandu vataveeye nimbala kandi mu kilage udambiza avandu vovo Yahova umali kovora.

Jeremia 32:32

kigira uvudamanu vwosi vwa avandu vi Ivuyuda kandi Jerusalemi vamali kokora, harara na avami vaavo kandi na aviimiliri vaavo, na avasaalisi kandi na avaporofeti vaavo.

Jeremia 4:17

navalakumbiriza Jerusalemi kuli avasaza valindanga umulimi kigira avandu vaavo vamali kwibaala ku Yahova. Yahova umali kovora.

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Ezekieli 12:2

Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Hosea 4:18

Niiva kanywa iwaini inyingi, vayanzilira vuraya vwavo nukuva muzisoni kuvita uvukumi.

Hosea 5:10

Yahova avoora, “Aviimiliri vi Ivuyuda vamali kwingilira avandu va Isiraeli, kandi vasundi ulwako. Ndasundura uvutima vwange uvululu kuli migera ja mazi.

Hosea 9:15

Yahova avoora, “Uvudamanu vwavo vwosi vwatangila mu Giligali. Haali hene yaaha handatangira kuvadunyira. Kigira uvudamanu vwa vamali kokora, inzi ndavakunga vatuli mu kivala change. Si ndavayaanza kandi mba. Aviimiliri vaavo vosi vamali kwibaala ku inzi.

Amosi 5:12

Kigira inzi manyi kuli mahiolo ginyu gaveeye manyingi kandi manyi kuli uvwoni vwinyu voveeye vonene ligali. Munyi mudambiza avalungi nukuvugula viambeti; mwigaliranga avadaka vavuli konyoora likalaga lirungi liavo mu viyaalo.

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 3:9

Mumbulirizi, munyi avamihi va Isiraeli, munyi avadunyiraa likalaga liuvulungi nukuchaminya malungi kugwa amadamanu.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Mika 7:3

Vosi vaveeye nilimanya liokokola uvudamanu; aviimiliri na vakalagi vetegeki vahevwe viambeti. Avanene vizingulu vaniga kohevwa via venya; kulwayago valohiza harara okokora uvudamanu.

Zekaria 7:10

Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Livalidza 22:7

Maku aviimiliri va vandu va Moabu harara na vimiliri va Midiani vazia ni mitungu ji kilaamo ku Baalamu, kandi vamuvolera makuva ga Balaki.

Matayo 21:13

Yavavolera, “Gang'odwa mu Mang'oda Matakatifu ndi Nyasaye yavoola, ‘Litembeli liange lilalangwa inyumba yu kusaala.’ Navuzwa munyi mugekoli kuva luhangaywa lwa vanuuri.”

Marko 11:17

Lwinyima yaviigiza navoora, “Gang'odwa, ‘Litembeli liange lilalangwa inyumba yu kusaala ku zihiiri ziosi!’ Navuzwa munyi mugekoli kuva luhangaywa lwa vanuuri.”

Luka 19:46

Yavavolera, “Gang'odwa, mu Mang'oda Matakatifu ndi, Nyasaye yavoola, ‘Inyumba yange ilava Litembeli liu kusaala.’ Navuzwa munyi mumali kogekola uluhangaywa lwa aviivi”

Luka 24:27

Yaatanga kuvavuulira kutangira mu vitabu via Musa nu mu mang'oda ga vaporofeti vosi kuli gang'odwa mu, kigira oyo.

Kwidzulitsa 16:19

Mutachaminya uvulungi! Mutamanyia liyaanzilira vandu valala kuvita avandi mulikalaga mba! Anoho mutavugilira kuvugura viambeti mba, kigira viambeli vivakulizaa zimoni kali zia avageri kandi avasuuvirifu, vichaminyaa amakuva gu mundu mulungi mu kiyaalo.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

1 Samweli 8:3

Navuzwa vayaayi veve sivalonda mwima gwigwe mba; vaali vuzwa nu mwoyo gwu kwenya mabese; kunangwa vavugura viambeti na sivakalaga viina nu vusuuvirifu mba.