Isaya 1:16 - KITABU KITAKATIFU

¹⁶ Mwisaave aveene munihi. Mulekere likora uvudamanu yivu vwosi vwa ndolaa nimukora. Yee, mulekere likora uvudamanu

Isaya 1:16 Iomraidhean Croise

2 Avami 17:13

Yahova yiganihiza Ivuyuda na Isiraeli kuvitira ku vaporofeti na vatumwa navoora, “Girung'ani kutura kuzinzira zienyu zindamanu. Gumiri malago gange ni miima jange kolondekana ni Lilaga liosi lia ndalaga avaguuga vinyu vahuliri kandi lia ndaha munyi kuvitira ku vatumikiri vange avaporofeti.”

Zaburi 26:6

O, Yahova, inzi savaa makono gange kumanyia ndi simbeeye nimbara mba.

Zaburi 34:14

Aleke ku vudamanu na okole uvulahi, wenye mirembe nu mwoyo gugwo na ujilonde.

Zaburi 37:27

Utuli ku vudamanu vwi zing'ano ziosi, na okole uvulahi, na ndio ulamenya mihiga ni mihiga.

Zaburi 51:2

Onzogize uvudamanu ligali, na undakase kutura muvwoni vwange.

Tsing'ano 21:3

Kokora gaveeye malungi kandi gilikalaga lirungi, gayaanziza Yahova kuvita kumuletera visiuviliru.

Tsing'ano 4:27

Welehe kuvudamanu kandi ogende vulungi. Utazia kika kilala ichova winzira inungi mba.

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Jeremia 18:11

Kunangwa kalunu, ovoolere avandu vi Ivuyuda na Jerusalemi ndi ndohizaa zing'anagani ziukuvingilila kandi nzetegekaa kuvaha amageri. Uvavoolere valeke komenya muvwoni - vagirung'anyie zinzira ziavo ni vindu viavakola.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 26:3

Namusia avandu valahulira mavaleke zinzira ziavo ziuvudamanu. Niiva valahulira, Inzi ndagirung'anyia zing'anagani ziange ziukudiviza ziandoohiza kuvakolera kigira vikolwa viavo vwuvuchamu.”

Jeremia 35:15

Nzizagilira kumutumira avaporofeti avatumikiri vange vosi, kandi vamali ku muvooleraa muleke likora lienyu liuvuchamu na mukore agaveeye malungi. Vaamwiganihizaa kuvula kusigamira nukutumikira avanyasaye vandi, kunangwa muzizagiliri komenya mukivala cha ndamuha navaaguuga vinyu. Navuzwa simwahulira inzi mba.

Jeremia 4:14

Avandu va Jerusalemi, mutulizi uvudamanu mumioyo jinyu, kunangwa muduuki kohonywa. Mulazizagilira kuva niziganagani ziuvwoni kuduuka ing'inga ki?

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Jona 3:8

Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Zekaria 7:7

Yahova yavoola yaga kuvitira mu vaporofeti vaali ho kale ing'inga lwa Jerusalemi yaali nu vutugi na vandu vanyingi, kandi lwa vandu vavura komenya mu madaala gakumberiza lidaala linene kandi mulosoma lwi Isavaalu, kandi hi vigulu vie madioli vitangira.

Matayo 3:8

Gamudukira mukore ivikolwa vimanyia ndi mumali kwiganira.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Petro 3:11

Gamudukira alekane nu vudamanu na akole vulahi; adukanaa yegombe mirembe nu mwoyo gwigwe gwosi.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.