Isaya 1:14 - KITABU KITAKATIFU

¹⁴ Mbihirirwa ni lilia lienyu liu Mweli Muhia kandi amadiku matakatifu gi lisosa; Gaveeye musigo muliduhu ku inzi kali nduhi ligali kugaginga.

Isaya 1:14 Iomraidhean Croise

1 Kyetsinyinga 23:31

kandi vuli lwosi lwi vihaanwa ku Yahova visambwa ku Lisabato, Lilia liu Mweli Muhia, kandi na masavo gandi. Malago galombwa mu likora miyinzi yigi nigavooraa vandu va Levi vanga avatovolwa kokora miyinzi yigi vuli ing'inga. Vandu va Levi vatovolwa kokora miyinzi ju kusigamira Yahova kulwi zing'inga ziosi.

Isaya 29:1

Jerusalemi! Jerusalemi! Lidaala linene lia Daudi, kivi keveeye ku munyi! Leka muhiga gundi anoho giviri jiviti, harara ni lilia kandi masavo gajio,

Isaya 29:2

maku kandi Nyasaye alaleeta ikivi ku lidaala linene lilangwa “Uvwali vwa Nyasaye.” Halakave ho ni lilira kandi nilisioma, na lidaala linene liosi lilakave kuli uvwali vukunikiywi na masahi.

Isaya 43:24

Simwangulira vimuli anoho kunzigutiza ni zitinya zie zinyama zienyu mba. Mu vogono yivwo mwandwika misigo miliduhu nuvwoni vwinyu; mwanduhiza ligali nuvudamanu vwa mwakoraa.

Isaya 61:8

Yahova avoora, “Inzi ndayaanza likalaga liu vulungi, kandi ndunyiraa likora uvudamanu ndahaana amadanyi ku avandu vange mu vusuuvirifu. ndaalomba lilagana liange navo lie mihiga ni mihiga.

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.

Hosea 5:7

Si vaveeye avasuuvirifu ku Yahova mba. Avana vaavo sivaveeye aveeve. Kalunu ku ing'inga yi lisavo mu mweli muhia, valadivizwa harara ni milimi jaavo.

Amosi 2:13

“Navuzwa, kalunu ndamuduvulanyira hasi ligali, na mulakenya kuli ligale liezing'ombe ilizuyi vuswage du.

Amosi 5:21

Yahova avoora, “Ndunyiraa amasavo ginyu gi idini. Sinyanzizaa na mavugano ginyu gizidini mba.

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Malaki 2:17

Munyi mwageliza Yahova na makuva ginyu. Navuzwa muteeva ndi “Kwa mugerizaa ndi?” Kunyi kovora ndi “Vuli mundu woosi okolaa vudamanu aveeye mulahi imbiri wa Yahova, kandi Yahova yavayanza.” Kandi kovora ndi, “Nyasaye wi likalaga lirungi aveeye hayi?”