Hosea 9:8 - KITABU KITAKATIFU

⁸ Nyasaye amali kunduma kuli muporofeti kwiganihiza vandu veve Isiraeli. Navuzwa vuli havundu hoosi hanzizaa, mugerizaa kondega numutego kuli linyonyi. Kali mu Litembeli lia Nyasaye, avandu vaveeye avasigu va vaporofeti.

Hosea 9:8 Iomraidhean Croise

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

1 Avami 18:1

Yahova yavolera Elija mu muhiga gwa kavaga gwe kemeyu, “Zia wimanyie ku mwami Ahabu; na inzi ndatuma imbura.”

1 Avami 18:19

Kalunu laga avandu vosi va Isiraeli vaagane ninzi ha kiguru cha Karimeli. Leeta vaporofeti va Baali 450 kandi vaporofeti 400 vumunyasaye wikikali Ashera avakonywa na Jezebeli mukali woovo.”

1 Avami 22:11

Mulala kuvo, Zedekia muyaayi wa Kenaana yalomba zinziga zie kivia navolera Ahabu, “Yiki nicho cha Yahova avoora, ‘ulalwana Vandu Asiria nukuvaguuta ligali.’ ”

1 Avami 22:22

Yahova yateeva, ‘Kuli ndi?’ Roho zana gwativula, ‘Ndazia kolomba avaporofeti va Ahabu vosi vavoole vovehi.’ Yahova yavoola, ‘Zia na umugaade. Ivi ulanyaliza ligali zia na okole ndio!’ ”

1 Avami 22:28

Mikaya yativura, “Niiva ulirana nimirembe, Yahova siamolomi kuvitira mu inzi mba!” Kandi yameda kovora, “Muhulirizi, mundu sa mulala, ku ga mali kovora!”

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

2 Avami 13:21

Ing'inga ndala lwa Vaisiraeli valala vaali ni vatezaa mundu, nonoho valora kiduma cha Vamoabu yavo, kunangwa vasiuva muviri gwu mukuzu zana mu kilindwa cha Elisha. Lwu muviri yigwo gwadiira ku vigumba via Elisha, mundu oyo yasimuguka, kandi nasingira ku virenge vivie.

2 Avami 2:14

Yakuya amazi ni inguvu ya Elija, navoora, “Yahova, Nyasaye wa Elija uveeye haliha?” Yakuya amazi kandi nago gavukana yiyi ni yiyi, kandi naye yambuka.

2 Avami 2:21

ma nazia ha kidaho, kandi naazuka munyu mu mazi navoora, “Yaga nigo ga Yahova avoora, ‘Ngolaa amazi yaga kuva malahi na malengeru, kandi sigalaleeta likuza kinga lihuusa kandi mba!’ ”

2 Avami 4:41

Elisha yavoola, “Ndeteri uvusie.” Na yaavuviika mu isika zana, navoora, “Yinulira avasaza yava vaduuki kulia.” Na sihaali ni kindu kidamanu nazio mba.

2 Avami 4:43

Navuzwa mutumikiri zana yativura navoora, “Uganaganaa yiki kiladuuka avasaza imia ndala?” Elisha yativura, “Vahe valie, kigira Yahova avoora ndi valalia kandi kilatigala ku.”

2 Avami 5:14

Kunangwa Naamani yasulunguta kuzia mu mugera gwa Jorodani, ni yiyinamu umwene haali saba kuli muporofeti yavoola, na yahonywa ligali. Inyama yu muviri gwigwe yagwa indinyu kandi yu vulamu, kuli gwu mwana mudoto.

2 Avami 5:27

Na kalunu, ovogere vwa Naamani vulaza ku ivi, na ivi harara ni visukululwi vovo mulava navwo mihiga ni mihiga!” Lwa Gehazi yatura, yaali novogere, ligodo lilie liali lilavu kuli likonza.

2 Avami 7:19

Munene oyo yaali nativuyi nu kovora, “Yago siganyala kwekoleka ku mba, kali niiva Yahova mwene yakatumi vuswage kuli imbura ku ing'inga ndala!” Kandi Elisha yaali nativuyi namuvooleye, “Ivi ulagalola ni gekolekaa, navuzwa siulalia ku chukulia yicho mba.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Zaburi 124:7

Kunyi kohoni kuli linyonyi kutura mu vuginga vwu mutegi; mutego guvuniki na kunyi koohoni.

Kohelethu 9:12

Siulamanya lwi ing'inga yooyo yiza mba. Kuli linyonyi ligimilwa mu mutego, kuli isuzi igimilwa mu muluvo, kwamala kugumirwa mu mutego ing'inga indamanu ya kutaganaganaa.

Lwimbu lwa Solomoni 3:3

Vasikari vavudiku vanyoola lwavaali ni vagendagenda mulidaala linene. Ndavateva, “Mundoleye muyanze wange?”

Isaya 62:6

O, Jerusalemi, mali kuviika avasikari ku amadigi giinyu. Si valachiring'ana mu muvasu gwosi kandi mu vudiku vwosi mba. Munyi avizulizaa Yahova, mutaleka amwiviliri mba.

Jeremia 11:19

Ndaali kuli kememe kehoma ikihilwa kwitwa. Navuzwa si ndaamanya ndi avasigu vange valohiza vindu vidamanu ku inzi mba. Vavoola ndi, “Koteme musaala yigu nigukikiri na amatu amavisi; kumwiti kunangwa mundu navuli kumwizuliza kali hakuzu.”

Jeremia 14:13

Maku ndaavoora, “Ai Yahova Nyasaye, ivi umanyi ndi avaporofeti vavoolera avandu ndi, vulwani si vulakaveho mba anoho inzara, kigira ivi umali kuvasuuviriza. Vavoola ndi, umurembe gweng'ine nigwo gulivaho mukivala chietu.”

Jeremia 23:13

Inzi mali kolola uvwoni vwavaporofeti va Samaria: vamali komoloma mulieta lia Baali kandi vamali kuchaminya avandu vange.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 6:17

Maku Yahova yatovola avalindi avukuhuliriza kisiriva chukwiganihiza. Navuzwa vavoola, “Sikulahulira mba.”

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 3:17

Yavoola, “Mwana wu Mundu, Inzi ngokoraa musikari ku ihiiri ya Isiraeli. Ivi ulavavolera amiganihizu gangovolera.

Ezekieli 33:7

“Kalunu, Mwana wu Mundu, ngokora kuva musikari ku ihiiri ya Isiraeli. Kuduuka uvavoolere lieganihiza lia ngovolera.

Hosea 5:1

“Muhuliri yaga, munyi avasaalisi! Muhulirizi munyi avandu va Isiraeli! Muhuliri, munyi avandu vinyumba yu vwami! Gamuduukira muhaane likalaga liveeye lirungi. Munyi mulakalagirwa! Kunangwa likalagirwa lilaaza kumunyi! Munyi mumali kugumira avandu kigira lisigamira misambwa ha Mizipa, kandi ku Kiguru cha Tabori.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Yohana 15:24

Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Varumi 3:7

“Navuzwa niiva ovovehi vwange vumanyia havulavu ndi Nyasaye aveeye wagiligali kandi wukukuminywa, kigira ki inzi ngalagilwa kuli mwoni?”

Vahebraina 13:17

Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.