Hosea 9:7 - KITABU KITAKATIFU

⁷ Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Hosea 9:7 Iomraidhean Croise

2 Avami 9:11

Jehu yirana ku vanene vache veve, avamuteeva, “Vindu viosi vikaveeye vilahi noho? Mulalu ula yenyangi ki ku ivi?” Yavativulira, “Munyi mumanyi icha yenyangi.”

Isaya 10:3

Mulakakole ki lwa Nyasaye alimuha amageri? Mulakakoleki lwa aleetaa kivi kumunyi kutura mu kivala chi ihale? Mulirukira ku vwaha konyoora ovokonyi? Mulakavise hayi vutugi vwinyu?

Isaya 26:11

Avasigu vovo sivamanyi ndi ulakavahe mageri mba. O, Yahova, uvaviiki mu zisoni na oleke vasaliri. Leka vasaliri maduywa aga umali kuvetegekizira. Uvamanyie kuli uyanza avandu vovo.

Isaya 34:8

Yiyi niyio ing'inga lwa Yahova alakahonyie avandu va Ziyoni nu kuvanza kisaalia ku vasigu veve.

Isaya 44:25

Inzi nzononyiaa vilolekizu via valaguli, kandi ngolaa vasigitiri kuva vasiru. Inzi suraa makuva ga vageri nokokola limanya liavo kuva uvusiru.

Jeremia 10:15

Vaveeye vuzwa kandi gavadukiraa valeganywi; valakadivizwi lwa Yahova aliiza kuvaha mageri.

Jeremia 11:23

Inzi mali kuviika ing'inga yo koleta ikivi ku avandu va Anazozi. Lwi ing'inga yene yeyo iduuka, mundu kali mulala sialakahone mba.”

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 23:13

Inzi mali kolola uvwoni vwavaporofeti va Samaria: vamali komoloma mulieta lia Baali kandi vamali kuchaminya avandu vange.

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Jeremia 29:26

“Zefania, Yahova yakola ivi kuva musaalisi mu vogono vwa Jehoyada, kandi kalunu oveeye umunene mu Litembeli. Nu Vunyali vwuvwo kolola ndi mundu woosi oveeye umulalu, kandi wekolaa umuporofeti, agumilwi nokovofwa ni minyororo kandi kumuviika munyumba ya avahambe.

Jeremia 46:21

Kali avasikari vaavo vagulwa vaveeye vuzwa kuli vimoli. Sivali vanyara kusingila nukulwana mba; vosi vagirung'ana ni viruka. Lidiku lie lidivizwa liavo liali niliduuki, ing'inga yaavo yukudivizwa.

Jeremia 6:14

Vakolavuzwa zingwagu zia avandu vange ziveeye vuzwa uvwiyago. Vavoola, ‘Goosi gaveeye amalahi,’ ulwa goosi gataveeye amalahi.

Jeremia 8:11

Vakora kuli zingwagu zia avandu vange ziveeye vuzwa lwiyago. Vavoola, ‘Goosi gaveeye amalahi,’ lwa goosi gataveeye amalahi mba.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Ezekieli 13:10

“Avaporofeti vagotiza avandu vange nu kuvavoolera ndi goosi gaveeye amalahi lwa goosi gataveeye amalahi mba! Avandu vange vumbaka lidigi lia magina, navuzwa avaporofeti yava vazaa mavalikunika novodohi uvulavu.

Ezekieli 13:3

Yaga nigo aga Yahova Wuvunyali avoora: “Kivi keveeye ku vaporofeti vasiru yava! Vavoola makuva gi zing'anagani ziavo aveene kandi avelombera malola gaavo aveene.

Ezekieli 25:17

Ndaza mbahe mageri malulu, kandi nambanze kisaalia kidukiru kuvo. Maku navamanye ndi Inzi mbeeye Yahova lwa nambahe mageri mu vutima vwange vululu.”

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Hosea 14:1

Munyi avandu va Isiraeli, mwirane ku Nyasaye winyu. Munyi mumali kwikigatala nu kugwa kigira uvwoni vwinyu.

Hosea 5:9

Lidiku liu kuhaana mageri lizaa, na Isiraeli ilatigara mang'anye. Munyi avandu va Isiraeli, ligali yaga galakoleka ku munyi!

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Hosea 9:8

Nyasaye amali kunduma kuli muporofeti kwiganihiza vandu veve Isiraeli. Navuzwa vuli havundu hoosi hanzizaa, mugerizaa kondega numutego kuli linyonyi. Kali mu Litembeli lia Nyasaye, avandu vaveeye avasigu va vaporofeti.

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Mika 2:11

“Niiva mundu umugadi yaza nokovoora, ‘Inzi ndaporofetera munyi ndi iwaini na malwa galidoloka, uyu niyie muporofeti wa avandu yava vayaanza.’

Mika 7:4

Kali mulahi kuvita vosi kandi musuuvirifu kuvita vosi vuzwa vaveeye kuli indiva. Lidiku limali kuduuka lwa Nyasaye nahaane mageri ku avandu, kuli yaviganihiza kuvitira mu avasikari veve, avaporofeti. Kalunu vaveeye mu vogoyani.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Marko 3:21

Lwa avinyumba yeeye vahulira, vazia kumugumira kigira avandu vaali ni vavoola, “Yaali kulaluka.”

Luka 21:22

Kigira yago galakave ‘Madiku giliheevwa Amageri’; kokora viosi ivia Mang'oda Matakatifu gavoora viduuki kutwekizwa mu agiligali.

2 Vakorintho 5:13

Niiva kololeka kuva avalalu, yago gaveeye ndio kigira Nyasaye. Navuzwa, niiva ziganagani zio vogeri vwitu ni zindahi yago gaveeye ndio kigira vukala vwinyu.

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.