Hosea 9:17 - KITABU KITAKATIFU

¹⁷ Nyasaye wange alasura avandu veve, kigira si vamuhuliraa mba. Valava avagendagendi hagati hi zihiiri.

Hosea 9:17 Iomraidhean Croise

2 Kyetsinyinga 18:13

Navuzwa Mikaya yativura, “Imbiri wa Yahova oveeye mwoyo, ndavoora vuzwa icha Nyasaye wange yambolera mbore!”

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Nehemia 5:19

Ngusaala, O, Nyasaye wange, unzizulizi ku goosi aga mali kokolera avandu yava.

Zaburi 31:14

O, Yahova, navuzwa inzi suuviraa ivi; oveeye Nyasaye wange.

Tsing'ano 29:1

Mundu ugayangwa vuli kazozo navuzwa avula kuhulira, aladivizwa vwangu ligali vugira kohona.

Isaya 48:18

“Mulava ni mwahulira amalago gange, ngano uvugasu vwayituluka ku munyi kuli migera ja amazi jilivula kukama mba. Kandi ngano mwaali muve ni liguuta kuli viguvuli via mazi ku inyanza.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Jeremia 6:30

Kunangwa valalangwa ifeza yasuulwa kigira inzi, Yahova mali kuvasuura.”

Jeremia 7:13

Munyi mumali kokora uvwoni yivu vwosi, kali niiva ndamoloma ku munyi haali kanyingi, navuzwa mwasuura kuhulira. Si muhugilaa lwa inzi mulangaa mba.

Jeremia 7:15

Ndamukunga muturi imbiri wange kuli ndakunga aviiko vinyu, avandu va Isiraeli. Inzi Yahova mali kovora.”

Hosea 4:10

Munyi numulie viukulia navuzwa simuliguta mba. Munyi mulasigamira avanyasaye vulwivulu navuzwa, simulanyora avana mba, kigira mumali kondeka na murondaa avanyasaye vandi.”

Hosea 4:6

Avandu vange vadiviziywi kigira sivamanyiriza inzi mba. Munyi avasaalisi mumali kusuura kumanyiriza inzi kandi mumali kusuura miigizu gange, kandi kunangwa inzi musuyi kandi sindamanyiliza avana vinyu kuli avasaalisi vange mba.

Hosea 7:13

“O, vayaayi kivi keveeye kuvo! Vamala koleka inzi kandi nukwibaala kutura ku inzi. Valadivizwa. Inzi ndeenya kuvahonyia, navuzwa vangadaa.

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Mika 7:7

Navuzwa kulwa inzi, ndahenza ku Yahova yeng'ine. Ndalindilira Nyasaye wange mulisuuvira ligali, ulimbonyia. Nyasaye wange alambulira.

Zekaria 1:4

Mutava kuli avaguuga vinyu mba. Avaporofeti vavavolera kale makuva gange, nivavavoolera valeke vudamanu, kandi vavuli komenya mu vwoni. Navuzwa si vambulira anoho kutia inzi mba.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Yohana 20:28

Tomasi yamutivulira, “Mwami wange kandi Nyasaye wange!”

Yohana 7:35

Avanene va Avayuda vavolerana aveene naveene, “Mundu uyu aveeye ahimbi kuzia hayi aha kulivula kumunyoola? Anyala kuzia ku Avayuda vasalana hagati ha Avaguriki, yigizi Avaguriki?

Vikolwa 3:23

Ku vosi uvula kuhulira muporofeti oyo alahulwa kutura mu vandu va Nyasaye, kandi aladivizwa.’

Kwidzulitsa 32:26

Ndakavadivizi ligali, kunangwa avuli kuva ho nu uvizuliza.

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.

Kwidzulitsa 4:27

Yahova alamusalanyia hagati hi zihiiri zindi, uwa avakeekeke vuzwa ku munyi valatigala mwoyo.

Vafilipi 4:19

Nyasaye wange alahaana ku munyi lienya lienyu liosi kolondekana nu vukumi vwu uvutugi vwivwe mu kuvitira mu Kristo Yeso.

Yakobo 1:1

Inzi Yakobo, Mutumikiri wa Nyasaye kandi wu Mwami Yeso Kristo: Nduma mirembe jange ku munyi, zihiiri likomi na ziviri zia avasalanywa mu kivala choosi.