Hosea 9:16 - KITABU KITAKATIFU

¹⁶ Avandu va Isiraeli, vaveeye kuli musaala gwi miri jimali kwuma si gulama makuyu kali hakuzu mba. Si valiivula vana mba, kali niiva valiivula, ndiita vana vaavo vavayaanza.”

Hosea 9:16 Iomraidhean Croise

Litanga 41:23

Inyima wa yivi, ndaalora kandi viangala saba viu vuswage nivimeli. Viene yivi viali ving'erere, vie imbuza yi kivi kutura Ivugwi yaali ninializi.

Ayubu 18:16

Mundu uyu alava kuli imiri ju musaala jumiraa musi mu marova, ni zisia ziagwo ziumira igulu.

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Hosea 5:11

Avandu va Isiraeli vaveeye mu vusaliri vwi lidambizwa; vamali kogotiza kivala chaali chavo, kigira vasavira kuzia konyoora ovokonyi kutura kuyavo avataali novokonyi.

Hosea 8:7

Lwa vegomba imbuza valanyora kihuzuzi! Mulimi gwuvuswage ugutaama sigunyala kuva niligesa lie ingano mba. Navuzwa kali niiva ligesa liakaveeye mu avageni valavilia.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

Kwidzulitsa 32:25

Liihi lilaleeta likuza mu zinzira; litihiza linene lilavingilira mu zinyumba. Avayaayi na vakana valakuza; avana vadoto anaho avasaakulu sivalalekwa mwoyo mba.