Hosea 9:15 - KITABU KITAKATIFU

¹⁵ Yahova avoora, “Uvudamanu vwavo vwosi vwatangila mu Giligali. Haali hene yaaha handatangira kuvadunyira. Kigira uvudamanu vwa vamali kokora, inzi ndavakunga vatuli mu kivala change. Si ndavayaanza kandi mba. Aviimiliri vaavo vosi vamali kwibaala ku inzi.

Hosea 9:15 Iomraidhean Croise

Zaburi 78:60

Yaleka lihema lilie ha Shilo, hango ha yaali namenyi hagati hiitu.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 11:15

Yahova avoora, “Avandu va ndaayaanza vakora vindu viuvwoni. Vaveeye na vunyali ki kuva mu Litembeli liange? Vasuuvira vanyara kwigalira ikivi ku liloomba lisuuvirizwa kandi ku lihaana visiuviliru vie zinyama? Yaga goosi galavaloomba kuva nu vuyanzi?

Jeremia 12:8

Avandu vange vatovole vamali kusuura; vamali kufuumira kuli isimba yu mulitu, kunangwa mali kuvadunyira.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 3:8

Yuda kandi yalora ningunji Isiraeli vazie ihale kigira vaali nivagirung'ani kutura ku inzi nivagwiyi avataveeye avasuuvirifu. Navuzwa Yuda utaveeye musuuvirifu amwavo wa Isiraeli siyaali nuvuti mba. Oyo kandi yagwa utaveeye musuuvirifu

Jeremia 5:5

Ndazia ku avandu vaveeye nuvunyari, kandi ndamoloma navo; kigira vamanya aga Nyasaye wavo yenya, kandi aga Yahova yenya vakole.” Navuzwa vosi vamali kusura zinguru zia Yahova, kandi si venya kumuhulira mba.

Ezekieli 22:27

Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 23:18

Lwa yaali ni yakakola uvulaya, kandi namanyi uvudamanu vwivwe havulavu, ndaamuleka kuli ndaaleka amwavo weve.

Hosea 1:6

Gomeri yavereka kandi, niyivura mwana mukaana. Yahova yavolera Hosea, “Umuguriki utayaanzwa, kigira Inzi si ndamanyia vuyanzi vwange ku avandu va Isiraeli mba anoho si ndavasamiiha mba.

Hosea 1:9

Yahova yavolera Hosea, “Umuguriki sivaveeye vandu vange mba, kigira avandu va Isiraeli si vaveeye avandu vange mba, kandi Inzi si mbeeye Nyasaye wavo mba.”

Hosea 12:11

Navuzwa vifananyi visigamirwa mu Gileadi, kandi yavo avavisigamira valakakuzi. Zigiriki zihaanangwa kuli kisiuviriru mu Giligali, kandi uvwali uwene yeyo navugwi vitumi via magina mu mulimi gwaalimwa.”

Hosea 12:2

Yahova aveeye namayalo ku vandu vi Ivuyuda. Azizaa kandi kuhaana mageri ku avandu va Isiraeli kigira likora liavo. Alavatuunga ku agavamali kokora.

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Hosea 4:15

“Kali niiva munyi avandu va Isiraeli simuveeye avasuuvirifu ku inzi mba, vwakaveeye vulahi avandu vi Ivuyuda valavula kuva nilihiolo kuli yili. Mutasigamira ha Giligali anoho Bezaveni mba, anoho mutalomba malagano ku Yahova oveeye mwoyo mba.

Hosea 4:9

Munyi namuhevwe mageri malala mere kuli avandu! Inzi namuhe mageri kandi naamukole namutungi uvudamanu vwa mukoraa.

Hosea 7:2

Navuzwa sivamanya ndi inzi ndizuliza zimbi ziavo ziosi mba. Uvwoni vwavo vuvakumbiliza; sinyala kuvula kovolola mba.”

Hosea 9:17

Nyasaye wange alasura avandu veve, kigira si vamuhuliraa mba. Valava avagendagendi hagati hi zihiiri.

Hosea 9:3

Si mulamenya mu kivala cha Yahova mba, navuzwa mulirana mu kivala cha Egebeti, kandi mulalia viukulia vidamanu mu kivala cha Asiria.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Amosi 4:4

Yahova wanyala viosi avoora, “Hambi ha Bezeli na mukore uvwoni ku Giligali mumeede kokora uvwoni; na mulete kidieli chi likomi chiinyu vuli mugambazuri, ni zizaka zienyu vuli lidiku lia kavaga.

Amosi 5:27

Kunangwa, ndakamuhili mu vuhambe mu kivala keveeye engereka wi lidaala linene lia Damasiko.” Yahova wi lieta lilie liveeye Nyasaye Wuvunyali avoora.

Amosi 5:5

Navuzwa mutenya Bezeli, kandi mutazia Giligali anoho mutazia Beerisheba; kigira lidaala lia Giligali lilazia lihaminywe na Bezeli lilatigala iliele.”

Mika 3:11

Aviimiliri valio vamiiha kigira viambeti, avasaalisi valio vigiza ku vaduuki konyoora mitungu, na avaporofeti valio vaangora ovoporofeti vwavwo kunangwa vaduuki konyoora amabese; navuzwa vidiira ku Yahova nivavoora, “Yahova si aveeye hagati hiitu? Uvudamanu sivulaza ku kunyi mba.”

Mika 6:5

O, avandu vange, mwizurizi agu mwami Balaki wi kivala cha Moabu yaganagana kumukolera kandi kuli Balaamu muyaayi wa Beori yamutivulira. Mwizurizi ivindu viakoreka kulogendo kutura mu hokososa ha Akakia kuzia mu Giligali. Mwizurizi ivindu yivi na muduuki kumanya agandaamukolera kunangwa inzi nduuki kumuhonyia.”

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

Vikolwa 5:21

Lwa avatumwa vahulira yaga, vingira mu Litembeli mugambazuri mu mavwevwe, ni vatanga kwigiza. Musaalisi Munene na avache veve valanga harara livugana lie kiyaalo kenene cha vakulundu vosi va Vayuda; maku vaatuma amalago muvuhambe ndi valetwe imbiri wavo.

Joshua 10:43

Inyima wa yaga, Joshua harara ni iliihi lilie viirana mu ahokososa ha Giligali.

1 Samweli 7:16

Vuli muhiga yaali anyala kovodong'ana mu madaala ga Bezeli, Giligali, Mizipa, naakilinganyaa ovosooro hagati ha vandu va Isiraeli.